सरकार गोट्या खेळतंय का?; मराठा आरक्षणावरून मेटेंचा संतप्त सवाल

विनायक मेटे यांनी प्रसारमाध्यमांशी बोलताना मराठा आरक्षणावरून राज्य सरकारवर घणाघाती टीका केली. (vinayak mete slams maha vikas aghadi over maratha reservation)

  • गिरीश गायकवाड, टीव्ही 9 मराठी, मुंबई
  • Published On - 14:58 PM, 21 Jan 2021
सरकार गोट्या खेळतंय का?; मराठा आरक्षणावरून मेटेंचा संतप्त सवाल

मुंबई: मराठा आरक्षणाची सुनावणी पुढे ढकलण्यात आल्याने शिवसंग्राम संघटनेचे नेते विनायक मेटे यांनी संताप व्यक्त केला आहे. 25 जानेवारी रोजी सर्वोच्च न्यायालयात मराठा आरक्षणावर सुनावणी होणार होती. ही सुनावणी दोन आठवडे पुढे ढकलली गेली आहे. सुनावणी का पुढे ढकलली गेली? महाविकास आघाडी सरकार गोट्या खेळतंय का? असा संतप्त सवाल विनायक मेटे यांनी केला. (vinayak mete slams maha vikas aghadi over maratha reservation)

विनायक मेटे यांनी प्रसारमाध्यमांशी बोलताना मराठा आरक्षणावरून राज्य सरकारवर घणाघाती टीका केली. मराठा आरक्षणावरून सरकार वेळकाढूपणा करत आहे. सरकारचा हा वेळकाढूपणा आम्ही खपवून घेणार नाही, असं सांगतानाच मराठा आरक्षण उपसमितीचे अध्यक्ष अशोक चव्हाण, आरोग्य मंत्री राजेश टोपे, गृहमंत्री अनिल देशमुख, ऊर्जा मंत्री नितीन राऊत आणि मंत्री वर्षा गायकवाड यांच्या जिल्ह्यात, मतदारसंघात जाऊन या मंत्र्यांच्या विरोधात आंदोलन करण्यात येणार आहे. या आंदोलनाची सुरुवात राजेश टोपे यांच्या जालन्यातून करण्यात येणार असल्याचं मेटे यांनी सांगितलं.

नोकरभरती पुढे ढकला

यावेळी मेटे यांनी मराठा आरक्षणाचा निकाल लागेपर्यंत नोकरभरती पुढे ढकलण्याची मागणी केली. तसेच कोर्टात अर्ज सादर करणाऱ्या एमपीएससीच्या अधिकाऱ्यांविरोधात कारवाई करण्याची मागणीही त्यांनी केली. एमपीएससीचा भरती विरोधातील अर्ज ही जातीयवादी भूमिकाच आहे. मराठा समाजात सरकारच्या धोरणांवर असंतोष आहे, असंही त्यांनी सांगितलं.

एमपीएससीने मराठा उमेदवारांना ‘एसइबीसी’ऐवजी आर्थिक मागास समाजाचे आरक्षण देता येणार नाही, असा अर्ज बुधवारी सर्वोच्च न्यायालयात दाखल करून राज्य सरकारच्या विरोधात भूमिका घेतली होती. राज्य सरकारला अंधारात ठेवून एमपीएससीने हा अर्ज कोर्टात सादर केला होता. त्यामुळे मराठा नेत्यांच्या तीव्र प्रतिक्रिया उमटल्या होत्या. त्याशिवाय काल झालेल्या राज्य मंत्रिमंडळाच्या बैठकीतही या वादाचे पडसाद उमटले होते. त्यानंतर आज एमपीएससीने बॅकफूटवर जात कोर्टातून अर्ज मागे घेण्याच्या सूचना वकिलांना दिल्या आहेत. (vinayak mete slams maha vikas aghadi over maratha reservation)

 

संबंधित बातम्या:

एमपीएससीला सुप्रीम कोर्टात जाण्याचा अधिकारच नाही; मराठा आरक्षणाचा वाद चिघळणार?

सरकारचा मोठा निर्णय, मागासवर्गीय कर्मचाऱ्यांना पदोन्नती मिळणार, वाचा सविस्तर

सरकारला अंधारात ठेवून MPSC ची न्यायालयात याचिका, मुख्यमंत्री उद्धव ठाकरे भडकले

तुम्हा सर्वांना मी लवकरच भेटणार आहे, ग्रामपंचायत निवडणुकीनंतर राज ठाकरे यांचं पहिलं ट्विट

(vinayak mete slams maha vikas aghadi over maratha reservation)