एसटी बसला भीषण आग, चालकाचे प्रसंगावधान, ४३ प्रवाशांचे प्राण असे वाचले…

यवतमाळ जिल्ह्यातील पुसद बस स्थानकातून अकोला येथे निघालेल्या एसटी महामंडळाच्या बसला खंडाळा घाटात अचानक भीषण आग लागल्याची घटना मंगळवारी सायंकाळी सवा सातच्या सुमारास घडली. या घटनेत पुसद – अकोला एसटी बसमधील प्रवासी थोडक्यात बचावले. चालकाने प्रसंगावधान राखल्याने सर्व प्रवाशांना तातडीने बसमधून सुरक्षित बाहेर काढल्याने मोठी दुर्घटना टळल्याचे प्रत्यक्षदर्शींनी सांगितले.

यवतमाळ जिल्ह्यातील पुसद बसस्थानकातून अकोला येथे ही एसटी बस निघाली होती. पुसद येथील खंडाळा घाटात एसटी बससच्यास मोरील केबिनला अचानक आग लागली. त्यानंतर एसटी चालकाने प्रसंगावधान राखून एसटी बस थांबवली. यावेळी बसेसमध्ये ४३ प्रवासी प्रवास करत होते.या घटनेमुळे बसच्या प्रवाशांमध्ये घबराट पसरली. त्यामुळे बसमध्ये एकच गोंधळ उडाला. मात्र, चालकाने सर्व प्रवाशांना तातडीने सुरक्षितपणे बाहेर काढल्याने मोठी दुर्घटना टळली आहे.

एसटी बसचा ड्रायव्हर केबिन जळून खाक

बसमध्ये 43 प्रवासी प्रवास करत होते. मात्र चालकाने बस वेळीच थांबवली आणि प्रसंगावधान राखून सर्व प्रवाशांना तातडीने बसमधून सुरक्षित बाहेर काढले. त्यामुळे प्रवाशांचे प्राण थोडक्यात बचावले. या घटनेची माहिती मिळताच अग्निशमन दलाच्या पथकाने तात्काळ घेत जवान घटनास्थळी दाखल झाले. त्यांनी अथक प्रयत्नांनंतर आगीवर नियंत्रण मिळवले. मात्र, आगीत एसटी बसचा समोरील केबिन पूर्णपणे जळून खाक झाल्याची माहिती समोर आली आहे. या घटनेत कोणतीही जीवितहानी झाली नसली तरी अचानक लागलेल्या आगीमुळे प्रवाशांमध्ये काही काळ भीतीचे वातावरण निर्माण झाले होते. आगीचे नेमके कारण अद्याप स्पष्ट झाले नसून संबंधित यंत्रणांकडून पुढील तपास सुरू आहे.

चालकाचे प्रसंगावधान