मोठी बातमी! मध्य पूर्वेतून भारतासाठी सर्वात मोठी बातमी, इराण मित्र भारताच्या मदतीला धावला, आता मोठं संकट टळणार

इराण, इस्त्रायल आणि अमेरिकेमध्ये भीषण युद्ध सुरू आहे. या युद्धामुळे मध्य पूर्वेत मोठा तणाव निर्माण झाला आहे. मध्य पूर्वेत निर्माण झालेल्या तणावामुळे तसेच इराणने स्ट्रीट ऑफ होर्मूज तेल वाहतुकीसाठी बंद केल्यानं जगातील अनेक देशांमध्ये मोठं ऊर्जा संकट निर्माण झालं आहे. याचा मोठ्या प्रमाणात फटका हा भारताला देखील बसला आहे. भारतामध्ये व्यावसायिक गॅस सिलिंडरचे भाव वाढले आहेत. तर अनेक ठिकाणी व्यावसायिक सिलिंडर मिळत नसल्यानं हॉटेल चालकांवर हॉटेल बंद ठेवण्याची वेळ आली आहे. यामध्ये हॉटेल चालकांचं प्रचंड नुकसान होत आहे. दरम्यान आता मध्य पूर्वेतून मोठी बातमी समोर आली आहे.

युद्धाच्या पार्श्वभूमीवर इराणने स्ट्रीट ऑफ होर्मूज वाहतुकीसाठी बंद केला आहे. त्यामुळे संपूर्ण जगावर मोठं ऊर्जा संकट निर्माण झालं आहे. मात्र याचदरम्यान भारतासाठी दिलासा देणारी एक बातमी समोर आली आहे, ती म्हणजे इराणमधून कच्च्या तेलाचं एक जहाज आता भारतामध्ये येत आहे. फारसच्या खाडीमधून जहाज भारताकडे निघालं आहे. तब्बल सात वर्षानंतर आता भारतामध्ये इराणचं कच्च तेल इंपोर्ट होण्याची शक्यता आहे. शिप ट्रॅकिंग डेटानुसार पिंग शुन नावाचं हे जहाज भारताकडे निघालं आहे. त्याने सिग्नल देण्यास सुरुवात केली आहे, या आठवड्याच्या शेवटपर्यंत हे जहाज भारतात पोहोचण्याची शक्यता आहे. या जहाजामध्ये तब्बल 5 लाख बॅरल एवढं कच्च तेल आहे.

शिप ट्रॅकिंग डेटानुसार या जहाजानं मार्चच्या सुरुवातीला खार्ग आयसलँडमधून कच्च तेल भरलं होतं. ते सध्या तरी भारताकडे येताना दिसत आहे. मात्र अजूनही या जहाजाचं टेस्टिनेशन फायनल झालेलं नाही, मात्र ते भारताकडे निघाल्याचं दिसून येत आहे. या आठवड्याच्या शेवटी हे जहाज भारतामध्ये पोहोचू शकतं. हे जहाज भारतामध्ये आल्यास भारताला मोठा दिलासा मिळणार आहे, काही प्रमाणात का होत नाही, भारतामधील इंधनाचा तुटवडा दूर होण्यास मदत होणार आहे. इराणमधून कच्च तेल आता भारतामध्ये येत आहे.