E-Rupee वर मोठी अपडेट! रिजर्व बँक डिजिटल करन्सी आणण्याच्या तयारीत, कसे असेल स्वरूप?
डिजिटल करन्सी आणण्याबाबत रिजर्व बँक सकारात्मक असल्याचे संकेत देण्यात आलेले आहेत. याचा उपयोग कसा होणार जाणून घेऊया.
नवी दिल्ली, आरबीआयचे (RBI) स्वतःचे डिजिटल चलन लवकरच प्रत्यक्षात आणण्याच्या तयारीत आहे. भारतीय रिझर्व्ह बँकेने ई-रुपी (E-Rupee) संदर्भात एक मोठे अपडेट (Update) दिले आहे. बँकेने एक संकल्पना जारी केली आहे. यामध्ये रिझर्व बँक ई-रुपी प्रत्यक्षात आणण्याबाबत सांगण्यात आलेले आहे. डिजिटल चलनाचा योग्य वापर व्हावा यासाठी लोकांमध्ये जागरूकता पसरवण्याच्या उद्देशाने ही संकल्पना जारी करण्यात आली आहे.
काय आहे संकल्पना
शुक्रवारी आरबीआयने ई-रुपी लॉन्च करण्याबाबत तयार केलेली योजना सांगण्यात आली. बँकेने शेअर केलेल्या माहितीनुसार, ई-रुपी लाँच करण्याची योजना आखली जात आहे. पायलट प्रोजेक्टमध्ये, ते केवळ विशेष परिस्थितींसाठी वापरले जाऊ शकते. रिझर्व्ह बँक ऑफ इंडियाने सांगितले की, ते लवकरच विशेष वापरासाठी प्रायोगिक तत्त्वावर ई-रुपी लाँच करणार आहे.
Issuance of Concept Note on Central Bank Digital Currencyhttps://t.co/JmEkN7rPyA
— ReserveBankOfIndia (@RBI) October 7, 2022
वेळोवेळी नवीन माहिती मिळेल
या संदर्भात माहिती देताना रिझर्व्ह बँक ऑफ इंडियाचे मुख्य महाव्यवस्थापक योगेश दयाल यांनी सांगितले की, पथदर्शी प्रकल्पाची व्याप्ती जसजशी वाढत जाईल तसतशी आरबीआय ई-रुपीशी संबंधित वैशिष्ट्ये आणि फायदे सामायिक करत राहील. लोकांमध्ये सेंट्रल बँक डिजिटल करन्सीबद्दल (CBDC) जागरूकता पसरवण्यासाठी रिझर्व्ह बँकेने एक संकल्पना पत्र जारी केली आहे.
खिशात रोख ठेवण्याची गरज नाही
देशात आरबीआयचे डिजिटल चलन (ई-रुपी) सुरू झाल्यानंतर, तुम्हाला तुमच्याकडे रोख ठेवण्याची गरज भासणार नाही. तुम्ही ते तुमच्या मोबाईल वॉलेटमध्ये ठेवू शकाल आणि या डिजिटल चलनावर रिझर्व्ह बँकेचे पूर्ण नियंत्रण असेल. विशेष म्हणजे, या वर्षी सादर केलेल्या अर्थसंकल्पादरम्यान, अर्थमंत्र्यांनी सांगितले होते की या आर्थिक वर्षात RBI ब्लॉकचेन तंत्रज्ञान CBDC वर आधारित डिजिटल चलन सादर करेल.
