ममता बॅनर्जींचा पराभव कुणाच्या जिव्हारी? सुवेंदु अधिकारी यांच्या पीएच्या हत्येमागे हे दोन देश? यंत्रणाही चक्रावल्या

Suvendu Adhikari’s PA Chandranath Murder: भाजप नेते सुवेंदु अधिकारी यांचे पीए चंद्रनाथ यांची काल निर्घृण हत्या करण्यात आली. ओव्हरटेक करत त्यांची कार थांबवण्यात आली आणि धडाधड गोळ्या झाडण्यात आल्या. या खूनप्रकरणाचे धागेदोरे आता थेट पाकिस्तान आणि बांगलादेशाकडे अंगुली निर्देश करत आहेत. ममता बॅनर्जी यांचा पराभव नेमका कुणाच्या जिव्हारी लागला? याची चर्चा होत आहे. स्वीय सहाय्यक चंद्रनाथ यांच्या हत्येमागील मास्टरमाईंडला पाकिस्तानसह बांगलादेशातून मदत मिळाल्याचा दावा करण्यात येत आहे. तर या हत्येमागे टीएमसी असल्याचा आरोप भाजपने केला आहे. तर निवेदन प्रसिद्ध करत तृणमूल काँग्रेसने या हत्येचा निषेध केला आहे.

ऑस्ट्रियाचे ग्लॉक पिस्टलचा वापर

सूत्रांच्या माहितीनुसार, चंद्रनाथ यांची हत्या ही ऑस्ट्रिया निर्मित ग्लॉक पिस्टल G43x चा वापर करण्यात आला. या सेमी ऑटोमॅटिक पिस्टलमधून चंद्रनाथ यांच्यावर जवळपास एक डझन गोळ्या झाडण्यात आल्या. त्यांचे घर हे अवघे 200 मीटर दूर होते. चंद्रनाथ यांच्यावर धडाधड गोळ्या झाडण्यात आल्या. चंद्रनाथ यांचे डोके, छाती आणि पोटात गोळ्या झाडण्यात आल्या. अत्याधिक रक्त वाहून गेल्याने चंद्रनाथ हे जागीच बेशुद्ध झाले. त्यांना तातडीने रुग्णालयात पोहचवण्यात आले. डॉक्टरांनी त्यांना तपासून मृत घोषीत केले. सुरक्षा यंत्रणांना घटना स्थळी काडतूस मिळाले. त्या काडतुसाआधारे हे ऑस्ट्रिया निर्मित ग्लॉक पिस्टल G43x असल्याचे समोर आले आहे. या पिस्टलवरूनच या हत्येचा पाकिस्तानशी संबंध असल्याचे समोर येत आहे.

पाकिस्तान कनेक्शनचे काय धागेदोरे?

सुरक्षा यंत्रणांनुसार, ऑस्ट्रिया निर्मित ग्लॉक पिस्टल G43x ची विक्री भारतात अजिबात होत नाही. या पिस्टलची किंमतही लाखांच्या घरात आहे. भुरटे गुंड आणि स्थानिक गुन्हेगार हे लाखोंचे पिस्टल खरेदी करणे अवघड आहे. हत्येची सुपारी देणाऱ्यांनी शूटरला हे पिस्टल बांगलादेशातून उपलब्ध करून दिल्याची शंका उपस्थित होत आहे. हे पिस्टल काही दिवसांपासून पाकिस्तानातून तस्करीच्या माध्यमातून भारतात उपलब्ध करून देण्यात येत असल्याची माहिती यंत्रणांनी दिली.

पाकिस्तानशी असे समोर आले कनेक्शन

सुरक्षा यंत्रणेतील वरिष्ठ अधिकाऱ्यांनी असे पिस्टल पाकिस्तानातून तस्करी होत असल्याचे म्हटले आहे. दीड महिन्यापूर्वी 26 मार्च रोजी सुरक्षा यंत्रणांनी भारत-पाकिस्तान सीमेवर असे 10 पिस्टल जप्त केले. या पिस्टलमध्ये तुर्की या देशाची जिगाना (Zigana), अमेरिकेतली बेरेटा पिस्टल, नोरिन्कोसह ऑस्ट्रियातील ऑस्ट्रिया निर्मित ग्लॉक पिस्टल G43x हस्तगत करण्यात आली होती. त्यामुळे हे पिस्टल थेट पाकिस्तानातून बांगलादेशात आणि तिथून ते पश्चिम बंगालमध्ये आल्याचा दावा करण्यात येत आहे.