Siddhu Moosewala Shooters New Video: मूसेवालाच्या हत्येनंतर मारेकऱ्यांचे सेलिब्रेशन, हत्यारे दाखवताना व्हिडिओ व्हायरल
व्हिडिओमध्ये आरोपी सिद्धू मुसेवालाला मारल्यानंतर मजा करत होता आणि पंजाबी गाण्यांवर हवेत हात फिरवत होता. त्यापैकी सोमवारी अटक करण्यात आलेले अंकित आणि प्रियवत हे देखील दिसत आहेत.
चंडीगड : सिद्धू मूसेवाला हत्येशी संबंधित आणखी एक व्हिडिओ समोर आला आहे. मूसेवालाची हत्या (Moosewala Murder) केल्यानंतर मारेकरी गाणे गात सेलिब्रेशन करतानाचा हा व्हिडिओ (Video) आहे. या व्हिडिओमध्ये मूसवालाचे मारेकरी खूप सेलिब्रेशन (Celebration) करताना दिसत आहेत. तसेच मस्तीत हे लोक हवेत शस्त्रेही फिरवत आहेत. एकीकडे पोलीस या हत्येशी संबंधित लोकांना अटक करत असतानाच या हत्येनंतरचा व्हिडिओ आरोपींचे मनोबल वाढवत आहे. हा व्हिडिओ मूसवालाच्या हत्येनंतरचा आहे. या हत्येनंतर एकीकडे पोलीस आरोपींचा शोध घेत होते, तर दुसरीकडे हे आरोपी पोलिसांच्या भीतीची पर्वा न करता व्हिडिओ बनवत होते. मुसेवाला हत्येप्रकरणी दिल्ली पोलिसांनी सोमवारी आणखी दोघांना अटक केली आहे. अंकित आणि सचिन भिवानी अशी या अटक करण्यात आलेल्या दोन्ही आरोपींची नावे आहेत.
#WATCH | In a viral video, Sidhu Moose Wala’s murder accused Ankit Sirsa, Priyavrat, Kapil, Sachin Bhivani, & Deepak brandished guns in a vehicle pic.twitter.com/SYBy8lgyRd
— ANI (@ANI) July 4, 2022
आरोपींनी 35 ठिकाणे बदलली
व्हिडिओमध्ये आरोपी सिद्धू मुसेवालाला मारल्यानंतर मजा करत होता आणि पंजाबी गाण्यांवर हवेत हात फिरवत होता. त्यापैकी सोमवारी अटक करण्यात आलेले अंकित आणि प्रियवत हे देखील दिसत आहेत. पोलीस जेव्हा या शूटर्सचा शोध घेत होते, तेव्हा हे आरोपी एका ठिकाणाहून दुसऱ्या ठिकाणी फरार होत होते. या लोकांनी जवळपास 35 ठिकाणे बदलल्याचे दिल्ली पोलिसांनी सांगितले. जारी झालेल्या व्हिडिओमध्ये हे आरोपी बेधडकपणे फिरत होते. व्हिडीओ पाहून त्यांना कुणाचीही भीती नव्हती हे स्पष्ट होते. (Celebration of the killers after the murder of Musewala, Video showing weapons on Punjabi song goes viral)
