केंद्र सरकारचा मोठा निर्णय, थेट दणकाच, चांदीबाबत धक्कादायक घोषणा, चांदीवर..

केंद्र सरकारकडून सोने आणि चांदीबाबत गेल्या आठ दिवसांपासून मोठे निर्णय घेतली जात आहेत. पंतप्रधान नरेंद्र मोदी यांनी जनतेला संबोधित करत सोने पुढील 1 वर्ष खरेदी न करण्याचे आवाहन केले. त्यानंतर एका मागून एक मोठे निर्णय घेतले जात आहेत. यादरम्यानच सरकारकडून आता चांदीबाबत मोठा निर्णय घेण्यात आला. केंद्र सरकारच्या या निर्णयाने अनेकांना दणका बसला. केंद्र सरकाराने थेट चांदीच्या आयातीबाबत मोठा निर्णय घेतला. केंद्राने चांदीच्या आयातीवर आपली मंजुरी अनिवार्य केली. ज्यामुळेच आता चांदी मुक्त श्रेणीतून प्रतिबंधित श्रेणीत आली. एप्रिलमध्ये चांदीच्या आयातीत वार्षिक आधारावर सुमारे 157 टक्के वाढ झाली होती. आयात नियंत्रित करण्यासाठी ऊर्जा आणि खते यासारख्या वस्तूंवर परकीय चलन वाचवण्याकरिता सरकाराने सोने आणि चांदीवरील आयात शुक्ल 6 टक्क्याहून थेट 15 टक्क्यांवर वाढवले.

हार्मोनाइज्ड सिस्टीम (एचएस) कोड ही व्यापारयोग्य उत्पादनांसाठी एक वर्गीकरण प्रणाली आहे. सरकारच्या या अधिसूचनेनुसार, शनिवारपासून चांदीची अनिर्बंध आयात थांबवण्यात आली आहे. आता चांदी आयात करणाऱ्या कोणालाही सरकारी मंजुरी आणि परवाना आवश्यक असेल. हा मोठा निर्णय चांदीच्या आयातीबाबत सरकारकडून घेण्यात आला.

सध्याच्या परिस्थितीत भारताकडे 690अब्ज डॉलर्सपेक्षा जास्त परकीय चलन साठा आहे. हा परकिय चलन साठा पुढील 10 महिने आयातीकरिता पुरेल इतका आहे. मात्र, जर इराण आणि अमेरिका युद्ध पुढील काही दिवस सुरूच राहिले तर या चलनावर दबाव येऊ शकतो आणि चलन कमी कमी होत जाऊ शकते, याकरिता सरकारकडून अगोदरच सावध भूमिका घेतली जात आहे.

इराण आणि अमेरिका युद्ध पुढील काही दिवस चालणार हे स्पष्टच आहे. दोन्ही देश हार मानताना दिसत नाहीत. अमेरिकेला स्वप्नातही वाटले नव्हते की, इराणसोबतचे युद्ध इतके दिवस चालेल. फार तर फार चार आठवडे युद्ध चालेल असा अंदाज अमेरिकेचा होता. इराण आणि अमेरिका युद्धाचा परिणाम भारतीय अर्थव्यवस्थेवर होत आहे. थेटपणे या युद्धाच्या झळा बसत आहेत. ऊर्जेचे मोठे संकट उभे आहे.