“या” ॲपने एअरपोर्टची सोपी केली प्रवेश प्रक्रिया, थेट एन्ट्रीसाठी A to Z माहिती वाचा

विमान प्रवास म्हटलं की अनेक लोकांना उत्साहासोबत थोडासा त्रासही आठवतो विशेषतः एअरपोर्टवर लागणाऱ्या लांबलचक रांगा! सुरक्षेची तपासणी, बोर्डिंग पास, ओळखपत्र तपासणी, बॅग जमा करणं… या सगळ्यांमध्ये कधी कधी भरपूर वेळ वाया जातो. पण आता याच समस्येवर सोपं आणि आधुनिक उपाय सरकारनं शोधून काढलं आहे. ते म्हणजे ‘Digi Yatra’ नावाच अॅप

भारत सरकारचं ‘Digi Yatra’ हे विशेष ॲप आता प्रवाशांना केवळ दोन मिनिटांत एअरपोर्ट एन्ट्री मिळवून देणार आहे.

‘Digi Yatra’ म्हणजे नेमकं काय?

‘Digi Yatra’ हे एक डिजिटल ओळख प्रणालीवर आधारित ॲप आहे, जे तुमच्या चेहऱ्याच्या ओळखीवर काम करतं. या ॲपमुळे विमानतळावर प्रवेश करताना तुम्हाला कोणतेही कागदपत्र दाखवायची गरज उरत नाही. फक्त तुमचा चेहरा स्कॅन झाला की एन्ट्री मिळते!

‘Digi Yatra’ वापरण्याची सोपी पद्धत:

1. सर्वप्रथम ‘Digi Yatra’ ॲप गुगल प्ले स्टोअर किंवा अ‍ॅपल अ‍ॅप स्टोअरवरून डाऊनलोड करा.2. मोबाईल नंबर आणि OTP द्वारे रजिस्ट्रेशन करा. 3. ओळखपत्र (आधार, पासपोर्ट वगैरे) डिजिलॉकरद्वारे किंवा ऑफलाइन अपलोड करा. 4. एक चांगला सेल्फी ॲपमध्ये अपलोड करा.5. यानंतर तुमचं ‘Digi Yatra ID’ तयार होईल.

प्रथमच वापरणार असाल, तर एअरपोर्टवरील डिजी यात्रा किओस्कवर जाऊन प्रत्यक्ष पडताळणी करून घ्या.

‘Digi Yatra’ वापरणाऱ्या प्रवाशांसाठी भारतातील निवडक २४ विमानतळांवर स्वतंत्र गेट्स ठेवण्यात आले आहेत. या गेट्सवर चेहरा स्कॅन केल्यानंतर लगेच प्रवेश मिळतो. त्यामुळे आता गर्दीत उभं राहण्याची गरज नाही, आणि वेळेची बचतही होईल. सध्या ही सुविधा देशातील मोठ्या शहरांच्या विमानतळांवर सुरू आहे. केंद्र सरकार लवकरच ही सुविधा देशातील इतर एअरपोर्ट्सवरही सुरू करणार आहे. त्यामुळे भविष्यात विमान प्रवास आणखी सोपा, जलद आणि सुरक्षित होणार आहे. ‘Digi Yatra’ हे एक डिजिटल ओळख प्रणालीवर आधारित ॲप आहे, जे तुमच्या चेहऱ्याच्या ओळखीवर काम करतं. या ॲपमुळे विमानतळावर प्रवेश करताना तुम्हाला कोणतेही कागदपत्र दाखवायची गरज उरत नाही.