‘गडकरी घाबरलेयत’, नजरकैदेत ठेवल्याचा आरोप, E20 पेट्रोलविरोधातील आंदोलनापूर्वीच तहसीन यांचा मोठा दावा

E20 पेट्रोल धोरणाविरोधात तहसीन पुनावाला आंदोलन करणार आहेत. ते उपोषणाला बसणार आहेत. त्याचवेळी दिल्लीत मोठी घडामोड घडली आहे. दिल्ली पोलिसांनी पुनावाला यांना घरातच नजरबंद केले आहे. पुनावाला यांनी काही व्हिडिओ सोशल मीडिया प्लॅटफॉर्मवर शेअर केले आहेत. घराच्या जवळपास पोलीस असल्याचे आणि ते घरातून बाहेर पडू देत नसल्याचा त्यांचा दावा आहे. त्यांनी केंद्रीय स्ते वाहतूक आणि महामार्ग नितीन गडकरी यांच्यावर मोठी टीका केली आहे. शनिवारी पुनावाला यांनी एक व्हिडिओ शेअर करत त्यांच्या घरी महिला पोलिसांचा मोठा फौजफाटा आल्याचा दावा केला.

घरातच केले नजरबंद

पुनावाला यांनी एक ट्विट केले आहे. त्यानुसार, दिल्ली पोलिसांनी त्यांना घरातच नजरबंद केले आहे. गडकरी हे इथेनॉल पेट्रोलला विरोध केल्याने घाबरलेले आहेत. तर दुसऱ्या एका व्हिडिओत ते पोलिस अधिकाऱ्यांना जाब विचारत असल्याचे दिसते. कोणतेही कागदपत्र नसताना त्यांना घरातून बाहेर पडण्यास का विरोध करण्यात येत आहे असा सवाल त्यांनी केला. देशाला स्वातंत्र्य मिळण्याच्या 15 दिवस अगोदरच त्यांना ताब्यात घेण्यात आल्याचा आरोप त्यांनी केला. तुमच्या आंदोलनामुळे कायदा आणि सुव्यवस्था बिघडू शकते, त्यांनी सहकार्य करावे असे पोलीस अधिकारी या व्हिडिओत म्हणताना दिसत आहेत.

I have been put under house arrest by @DelhiPolice !! No documents no papers ! #EthanolScam BETA BADHAO YOJNA SUGAR DADDY pic.twitter.com/7hmuljrSoL

— Tehseen Poonawalla Official 🇮🇳 (@tehseenp) August 1, 2026

उपोषणाचा दिला इशारा

शुक्रवारी पुनावाला यांनी जाहीर केले होते की ते एकटेच गांधी स्मारकापर्यंत पायी जातील. तिथे ते मूक आंदोलनाला सुरुवात करतील. त्यानंतर ते उपोषणाला सुरुवात करतील. 31 जुलै रोजी पोलिसांनी त्यांच्या प्रस्तावित आंदोलनाला आणि संसदेपर्यंतच्या एकल मोर्चाला परवानगी नाकारली. नीट परीक्षा प्रश्नपत्रिका फुटीनंतर कॉक्रोच जनता पार्टीने महिनाभराहून अधिक काळ जंतर मंतरवर आंदोलन केले होते. तत्कालीन शिक्षण मंत्री धर्मेंद्र प्रधान यांनी यानंतर राजीनामा दिला होता. आता पुनावाला यांनी ई20 पेट्रोल धोरणाविरोधात एल्गार पुकारल्याने पोलीस सतर्क झाले आहेत.

ई20 पेट्रोलमध्ये इथेनॉल पॉलिसीनुसार, 80 टक्के पेट्रोल आणि 20 टक्के इथेनॉल मिसळल्या जात आहे. या धोरणाविरोधात विरोधकांनी आणि अनेक वाहतूक संघटनांनी आंदोलनाची हाक दिली आहे. 4 मार्च रोजी दिल्लीतील वाहतूक संघटनांनी संसदेवर मोर्चा काढण्याची हाक दिली आहे. अनेक जुन्या वाहनधारकांनी ई20 पेट्रोलमुळे त्यांच्या वाहनांचा देखभाल खर्च वाढल्याचे आणि मायलेट घटल्याची तक्रार केली आहे. नितीन गडकरी यांनी सुद्धा ई20 पेट्रोलमुळे मायलेज दोन ते सहा टक्क्यांपर्यंत घसरल्याचे मान्य केले आहे. देशात ई20 जनता पार्टी नावाने एक पक्ष ही स्थापन करण्यात आला आहे.