देशाच्या राजकारणात नव्या राजकीय पक्षाची एन्ट्री; थेट मोदींच्या विरोधात CBIचा माजी अधिकारी मैदानात उतरला
देशाच्या राजकारणात नव्या राजकीय पक्षाची एन्ट्री झाली आहे. थेट मोदी यांच्या वाराणसी लोकसभा मतदारसंघातून CBIचा माजी अधिकारी मैदानात उतरला आहे.
सीबीआयचे माजी संचालक एम. नागेश्वर राव यांनी राजकारणात एन्ट्री केली आहे. त्यांनी कोणत्याही पक्षात प्रवेश केला नाही. तर स्वत: नवीन पक्षाची घोषणा केली आहे. एम. नागेश्वर राव हे सार्वजनिक सतनात पार्टीचे अध्यक्ष असणार आहेत. त्यांनी नरेंद्र मोदी यांच्या संसदीय मतदरासंघ वाराणसीतून पक्षाची घोषणा केली आहे. भारतात सुधारणा केवळ प्रशासनात आणून चालणार नाहीत, तर इतर क्षेत्रातही सुधारणांची गरज असल्याचे विचार मनात ठेवून पक्ष काढल्याचे त्यांनी स्पष्ट केले.
नागेश्वर राव म्हणाले, ‘एसएसपीची सनातनची संकल्पना ही केवळ उपासना पद्धतीपुरती मर्यादित नाही. सनातन ही संकल्पना सत्य, धर्म, कर्तव्य, करुणा, न्याय, कुटुंब, समाज, लोककल्याण इत्यादीवर आधारित जीवनशैली आहे. सार्वजनिक सनातन पक्ष हा शिक्षण, आरोग्य, रोजगार आणि सांस्कृतिक संबंध या चार स्तंभावर आधारलेला आहे. नागेश्वर राव पुढे म्हणाले, ‘पक्षाचे ध्येय सांस्कृतिक वारशाला जोडून आधुनिक भारताची उभारणी करणे आहे. तांत्रिक, आर्थिक विकासासहित आधुनिक भारताला सांस्कृतिक ओळखीशी जोडणे आहे’. राव यांनी पुढे सांगितलं की, आमच्या पक्षाची भूमिका ही कोणत्याही विशिष्ट जाती आणि किंवा समुदायाच्या विरोधात नसणार. सनातन विचारधारा कोणाच्याही विरोधात नाही. पक्षाला सामाजिक फूट पाडण्याऐवजी सर्वांसाठी काम करायचे आहे’. राव यांनी वाराणसीमधून राजकारणाला सुरुवात केली आहे. ‘नव्या पक्षाच्या माध्यमातून आधुनिकता आणि संस्कृतीचं संतुलन साधण्याचं ध्येय असणार आहे.
राव पुढे म्हणाले की, सनातनला केवळ निवडणूक चिन्ह मानले जाऊ नये. पक्षाच्या धोरणातून मूल्ये शिक्षण, आरोग्य, रोजगार, प्रशासनात सुधारणा करण्याचा मानस आहे. त्याचबरोबर मंदिरे आणि तीर्थक्षेत्रे केवळ धार्मिक स्थळे म्हणून नव्हे, तर जतन करण्याच्या गरजेवर भर दिलाय. ही स्थळे लोकसहभागाद्वारे संवर्धन केले पाहिजे. आमचा सनातन कोणाच्याही विरोधात नाही. कोणत्याही जाती किंवा समुदायाला विरोध करण्याचा आमचा कोणताही विरोध नाही. आम्हाला समाजात फूट पाडण्याऐवजी सर्वांसाठी काम करायचे आहे.यावेळी पक्षाचे राष्ट्रीय उपाध्यक्ष महंत तीर्थानंद, उपाध्यक्ष रितू राठोड, महासचिव राजा सक्षम सिंह योगी, प्रवक्त्या बबिता शर्मा, उत्तर प्रदेशचे प्रभारी राकेश तिवारी आणि संघटन मंत्री नारायण सिंह आणि इतर पदाधिकारी उपस्थित होते.
