Road Rage CCTV : नोएडात चाललंय काय? आधी मॉलमध्ये मर्डर, आता भररस्त्यावर कार अंगावर घातली, घटना सीसीटीव्हीत कैद
दिवाकर हा नोएडातील सेक्टर 20 मध्ये राहणारा असून त्याचा इलेक्ट्रॉनिक्सचा व्यवसाय आहे. दिवाकर हा त्याचे दोन मित्र हिमांशू अग्रवाल आणि महेंद्र गुलिया यांच्यासोबत ह्युंदाई वेन्यू कारने नोएडाहून सोनीपतला जात होते. महामाया उड्डाणपुलाजवळ भरधाव वेगात आलेल्या आय-20 कारने त्यांच्या कारला मागून धडक दिली. यात त्यांच्या कारला स्क्रॅच आली.
उत्तर प्रदेश : कारला ठोकर मारल्याच्या कारणातून भररस्त्यात एका तरुणाच्या अंगावर कार (Car) घातल्याची घटना उत्तर प्रदेशातील नोएडामध्ये घडली आहे. घटनेनंतर कारमधील आरोपी पळून गेले. घटनेत तरुण गंभीर जखमी (Injured) झाला असून त्याला कैलास रुग्णालयात दाखल करण्यात आले आहे. दिवाकर मोटवानी (28) असे जखमी तरुणाचे नाव आहे. घटनेची माहिती मिळताच पोलिसांनी तात्काळ घटनास्थळी दाखल होत आरोपींची ओळख पटवली. याप्रकरणी सेक्टर 39 पोलीस ठाण्यात एफआयआर दाखल करण्यात आला आहे. पोलिसांनी 4 जणांना अटक केली आहे. आरोपींची कारही जप्त करण्यात आली आहे. (In a brawl over a car crash in Noida, one youth crushed another, incident caught in cctv)
VIDEO : दिल्लीत पार्किंगवरून हत्या होण्याच्या अनेक घटना समोर येत असताना आणखी एक व्हिडीओ समोर आला आहे. व्हिडिओ नोएडाचा असून यात एक गाडी सरळ दुसऱ्यावर चढवल्याचे दिसत आहे.#Accident #Noida #Delhi pic.twitter.com/ZVfUvyLA6S
— TV9 Marathi (@TV9Marathi) May 1, 2022
काय आहे प्रकरण ?
दिवाकर हा नोएडातील सेक्टर 20 मध्ये राहणारा असून त्याचा इलेक्ट्रॉनिक्सचा व्यवसाय आहे. दिवाकर हा त्याचे दोन मित्र हिमांशू अग्रवाल आणि महेंद्र गुलिया यांच्यासोबत ह्युंदाई वेन्यू कारने नोएडाहून सोनीपतला जात होते. महामाया उड्डाणपुलाजवळ भरधाव वेगात आलेल्या आय-20 कारने त्यांच्या कारला मागून धडक दिली. यात त्यांच्या कारला स्क्रॅच आली. या घटनेनंतर दोन्ही पक्षांची आपसात भांडणे सुरू झाली. त्यावेळी गाडीत बसलेल्या दिवाकर मोटवानी (28) या तरुणाने फोटो आणि व्हिडिओ काढण्यास सुरुवात केली. हे पाहून आय-20 कारमधील तरुणांनी विरोध करण्यास सुरुवात केली. त्यानंतर आय-20 कारमधून 5 मुले बाहेर आली आणि त्यांनी दिवाकर आणि त्याच्या मित्रांना मारहाण केली. यानंतर I-20 कारच्या चालकाने गाडी मागे घेत दिवाकारला चिरडले, यात दिवाकर काही फूट दूर जाऊन पडल्याने गंभीर जखमी झाला. त्याला कैलास रुग्णालयात आयसीयूमध्ये दाखल करण्यात आले आहे. (In a brawl over a car crash in Noida, one youth crushed another, incident caught in cctv)
