नातू व्हावा यासाठी एकलुत्या एका मुलाविरोधात आई-वडील कोर्टात, नात जन्माला घाला किंवा 5 कोटी परत करा, मुलाकडे आणि सुनेकडे मागणी
नातू किंवा नात व्हावी, यासाठी या दाम्पत्याने थेट मुलाविरोधात कोर्टातच धाव घेतली आहे. मुलावर नाराज असलेल्या या आई वडिलांनी मुलाला सांभाळण्यासाठी आत्तापर्यंत केलेले ५ कोटी रुपये परत मिळावेत अशीही मागणी केली आहे.
नवी दिल्ली – मुलगा आणि सुनेनं नातवाचं (Grand son)ख दिलं नाही म्हणून एका वयस्कर जोप्यानं थेट कोर्टाची (court)पायरी चढली आहे. जर नातवाला जन्म दिला नाही तर मुलावर आत्तापर्यंत केलेला 5 कोटींचा खर्च परत मिळावा अशी आश्चर्यकारक मागणी त्यांनी केली आहे. उत्तराखंडच्या हरिद्वारमध्ये (Haridwar)कोर्टात ही आश्चर्यकारक केस आली आहे. कोर्टाने या आई–वडिलांची याचिका स्वीकारली असून, या प्रकरणी 17 मे रोजी पुढील सुनावणी होणार आहे. एकुलत्या एक मुलाविरोधात हे दाम्पत्य कोर्टात गेले आहे हे विशेष. रंजन प्रसाद यांनी ही याचिका केली आहे, ते निवृत्त अधिकारी आहेत, श्रेय त्यांचा एकुलता एक मुलगा आहे त्याच्याविरोधात ते कोर्टात गेले आहेत.
मुलाचे लग्न होवून ६ वर्षे उलटली तरी नातवाचं सुख नाही
रंजन प्रसाद यांचा मुलगा श्रेय पायलट आहे. त्याचा विवाह 2016 साली नोएडात राहणाऱ्या शुभांगी यांच्याशी झाला. लग्नाला सहा वर्षे उलटून गेली तरी मुलाने आणि सुनेने त्यांनी आजी–आजोबा होण्याचं सुख दिलेलं नाही, असे या दाम्पत्याने याचिकेत सांगितले आहे. यामुळे या वयस्कर पती–पत्नीचे मानसिक संतुलत ढळले असल्याचा दावाही त्यांनी केलाय.
Haridwar, Elderly Couple Sued Son And Daughter-in-law For Not Having To Grand Children Up Ann | Haridwar: हरिद्वार में अनोखा मामला, बुजुर्ग दंपत्ति ने पोता-पोती का सुख न देने पर किया बेटे https://t.co/DLjfF84KUs
— HuntdailyNews (@HUNTDAILYNEWS1) May 10, 2022
म्हातारपणात एकटे राहणे हा छळ
नातू किंवा नात व्हावी, यासाठी या दाम्पत्याने थेट मुलाविरोधात कोर्टातच धाव घेतली आहे. मुलावर नाराज असलेल्या या आई वडिलांनी मुलाला सांभाळण्यासाठी आत्तापर्यंत केलेले 5 कोटी रुपये परत मिळावेत अशीही मागणी केली आहे. मुलाच्या आणि सुनेवर नाराज असलेले प्रसाद सांगतात की, मुलाच्या शिक्षणावर इतका खर्च केला, मात्र तरीही आता आम्हाला एकट्याने जगावे लागत आहे, हे छळ करण्यासारखेच आहे.
मुलाकडून सुनेकडून अडीच अडीच कोटींची मागणी
रंजन प्रसाद यांनी सांगितले की – मी माझ्या मुलावर सगळे पैसे खर्च केले. इतकंच नाही तर त्याला शिक्षणासाठी अमेरिकेतही पाठवले. आता माझ्याकडे काहीही शिल्लक नाही. घर बांधण्यासाठी बँकेकडून कर्ज घेतले आहे. त्यामुळे जास्त अडचणीत सापडलेलो आहोत. त्यामुळे याचिकेत मुलगा आणि सुनेकडून अडीच अडीच कोटींची मागणी केली आहे.
