Shyok River Accident Ladakh : लडाखमध्ये लष्कराचं वाहन खोल नदीत कोसळलं, 7 जवान मृत्यूमुखी, अनेक जवान गंभीर जखमी

लडाख : भारतीय लष्करासंबंधी (Indian Army) एक धक्कादायक बातमी आहे. लडाखमध्ये श्योक नदीत लष्कराचं वाहन कोसळलं. या दुर्घटनेत 7 जवानांचा मृत्यू झाला आहे. लडाखच्या (Ladakh) तुर्तक भागात सैन्यदलाची गाडी श्योक नदीत पडली. यात 7 जवान शहीद (martyr) आणि काही जवान जखमी झाले आहेत. इंडियन आर्मीने प्रसिद्धीला दिलेल्या पत्रकाद्वारे, 26 जवानांची एक तुकडी परतापूरच्या हनीफ सेक्टरवरुन फॉरवर्ड पोस्टला जात होती. लडाख प्रदेशात 26 सैनिकांना घेऊन जाणारे वाहन गुरुवारी श्योक नदीत पडले, या अपघातात सात जवानांचा मृत्यू झाला.

लष्कराच्या प्रवक्त्याने दिलेल्या माहितीनुसार, ‘परतापूरच्या संक्रमण शिबिरातून 26 जवानांचा एक तुकडी उप-सेक्टर हनिफच्या फॉरवर्ड एरियाकडे जात होता. रात्री 9 वाजण्याच्या सुमारास थोईसपासून सुमारे 25 किमी अंतरावर वाहन रस्त्यावरून घसरून श्योक नदीत पडले. वाहन सुमारे 50-60 फूट खाली नदीत पडले. 26 जवानांना परतापूर येथील 403 फील्ड हॉस्पिटलमध्ये हलवण्यात आले आहे. त्यानंतर लेहहून परतापूरला सर्जिकल टीम पाठवण्यात आली आहे. तर आतापर्यंत 26 पैकी 7 जणांना मृत घोषित करण्यात आले आहे. इतर जवानांनाही गंभीर दुखापत झाली आहे.

7 Indian Army soldiers lost their lives so far in a vehicle accident in Turtuk sector (Ladakh), grievous injuries to others too. Efforts on to ensure best medical care for injured, incl requisition of air effort from IAF to shift more serious ones to Western Command: Army Sources

— ANI (@ANI) May 27, 2022

श्योक नदी

गंभीर जखमी जवान रुग्णालयात दाखल

सकाळी सुमारे 9 वाजण्याच्या सुमारास 25 किलोमीटर अंतरावर लष्कराचं वाहन शोक्य नदीत कोसळले. यातील 26 गंभीर जखमी जावानांना अपघातानंतर तातडीने आर्मी फिल्ड हॉस्पिटलमध्ये दाखल करण्यात आले होते. यात गंभीर जखमी झालेल्या 7 सैनिकांचा मृत्यू झाला आहे. लेहवरुन परतापूरसाठी सैन्याच्या सर्जिकल टीम रवाना करण्यात आल्या आहेत. गंभीर जवानांना हवाई दलाच्या मदतीने वेस्टर्न कमानच्या रुग्णालयात पाठवण्यात येत आहे.

जवानांच्या मदतीसाठी एअर फोर्सशी संपर्क

गंभीर जखमी जवानांच्या मदतीसाठी एअर फोर्सशी संपर्क साधण्यात आलाय. त्यांना उपचारासाठी वेस्टर्न कमानला पाठवण्यात येईल. सैन्याची बस कोणत्या कारणामुळे रस्त्यावरुन घसरून नदीत कोसळली याचं कारण अद्याप स्पष्ट झालेलं नाही. याबाबत सैन्याकडून अद्याप अधिकृत माहिती देण्यात आलेली नाही. मात्र, मिळालेल्या माहितीनुसार जवानांची बस ट्रान्झिट कॅम्पवरुन सब सेक्टर हनीफकडे निघाली होती. त्यावेळी हा अपघात झाल्याचं सांगण्यात येत आहे.