Omicron : …तर जिल्हास्तरावर लावले जाणार निर्बंध, आयसीएमआरनं दिली महत्त्वाची माहिती

Omicron : ...तर जिल्हास्तरावर लावले जाणार निर्बंध, आयसीएमआरनं दिली महत्त्वाची माहिती
बलराम भार्गव, डीजी, आयसीएमआर

सध्याच्या कोविडच्या परिस्थितीवर लक्ष ठेवलं जातंय, असं आयसीएमआर(Indian Council of Medical Research)चे प्रमुख बलराम भार्गव (Balram Bhargava) यांनी सांगितलंय. जिथं कोविडचा पॉझिटिव्हीटी रेट (Covid Positivity Rate) ५ टक्क्यांपर्यंत पोहोचेल त्याठिकाणी जिल्हा स्तरावरील निर्बंध लादले जातील, असंही ते म्हणाले.

टीव्ही 9 मराठी डिजीटल टीम

| Edited By: प्रदीप गरड

Dec 10, 2021 | 5:31 PM

नवी दिल्ली : जागतिक परिस्थिती लक्षात घेता देशातल्या सध्याच्या कोविडच्या परिस्थितीवर लक्ष ठेवलं जातंय, असं आयसीएमआर(Indian Council of Medical Research)चे प्रमुख बलराम भार्गव (Balram Bhargava) यांनी सांगितलंय. जगभरातल्या जगभरात ओमिक्रॉन(Omicron)च्या प्रसार वेगानं होत असल्याच्या पार्श्वभूमीवर त्यांनी याबाबतची माहिती दिली.

‘नियमित बैठका’
ओमिक्रॉनच्या वाढत्या रुग्णसंख्येनंतर त्यांनी अधिकृत निवेदन सादर केलंय. त्यात त्यांनी नमूद केलंय, की जिथं कोविडचा पॉझिटिव्हीटी रेट (Covid Positivity Rate) ५ टक्क्यांपर्यंत पोहोचेल त्याठिकाणी जिल्हा स्तरावरील निर्बंध लादले जातील. ओमिक्रॉनचा धोका आणि त्यासंबंधी जागृती करण्यासंदर्भात नियमित बैठका घेतल्या जात आहेत, असंही त्यांनी म्हटलंय.

उड्डाणं रद्द

ऑमिक्रॉनचा धोका ओळखून भारतानं आंतरराष्ट्रीय उड्डाणांवरील बंदी 31 जानेवारीपर्यंत कायम ठेवलीय. कारण सुरूवातील दक्षिण आफ्रिके(South Africa)त आढलेला ओमिक्रॉन बघता बघता भारतात पोहोचला. दक्षिण आक्रिकेतून डोंबिवलीत आलेला तरूणही ओमिक्रॉनबाधित निघाला. त्यामुळे राज्य सरकारने आंतरराष्ट्रीय उड्डाणांवर बंद घालण्याची मागणी केली होती.

राज्यातली काय स्थिती?

महाराष्ट्रात ओमिक्रॉनबाधित 10  रुग्ण असून त्यापैकी 7 पुणे जिल्ह्यात आहेत. हे सर्व रुग्ण लक्षणं नसलेली अथवा कमी लक्षणे असणारे आहेत. जिल्ह्यात लसीकरण(Vaccination)चा वेग वाढविण्यात आलाय. मागील 10 दिवसात 8 लक्ष लसीकरण करण्यात आलं असून त्यापैकी पहिली मात्रा 33 टक्के तर 67  टक्के दुसरी मात्रा देण्यात आलीय. जिल्ह्यानं लसीकरणात 1  कोटी 38  लाखाचा टप्पा पार केला असून जिल्हा राज्यात दुसऱ्या क्रमांकावर आहे. कोविडमुळे मृत्यू झालेल्या 19 हजार 174 व्यक्तींच्या वारसांना प्रत्येकी 50 हजार रुपयांची मदत मिळणार आहे. राज्य शासनाच्या सूचनेनुसार त्याबाबत कार्यवाही सुरू आहे, अशी माहिती त्यांनी दिली.

धक्कादायक! अहमदनगरला निघालेल्या 22 पैकी 19 जणांचा कोरोना अहवाल पॉझिटिव्ह! काय आहे बीडमधील कोरोनाची स्थिती?

लसीकरण वाढविण्यासाठी लोकप्रतिनिधींनी पुढाकार घ्यावा; बूस्टर डोसबाबत केंद्र सरकारने घेणे आवश्यक – उपमुख्यमंत्री अजित पवार

Omicron Maharashtra Update : महाराष्ट्राला दिलासा देणारी बातमी, पुण्यासह पिंपरीतील 4 ओमिक्रॉनच्या रुग्णांसंदर्भात महत्त्वाची अपडेट

Follow us on

Most Read Stories

Click on your DTH Provider to Add TV9 MARATHI

राज्य चुनें