Indian Railway Rights: ट्रेनमध्ये चढताच मोफत मिळतात या सात सुविधा, अनेकांना माहीत नाही रेल्वेच्या सुविधा

Indian Railway interesting Rules: भारतीय रेल्वे जगातील सर्वात मोठे चौथ्या क्रमांकाचे नेटवर्क आहे. भारतीय रेल्वेतून रोज लाखो प्रवाशी प्रवास करतात. अनेक जण रोजच रेल्वे प्रवास करतात. परंतु अनेकांना रेल्वे तिकिटासोबत मिळणाऱ्या मोफत सुविधांची माहिती नाही. रेल्वेत बसल्यावर प्रवाशांचे काय अधिकार आहे, त्याची माहिती असणे गरजेचे आहे.

1. रेल्वेच्या सर्व AC कोचमध्ये मोफत बेडरोल्सची सुविधा दिले जाते. त्यात एक कंबल, एक उशी, दोन चादरी आणि फेस टॉवलचा समावेश आहे. तुम्ही जर 1AC, 2AC आणि 3AC कोचमधून प्रवास करत असाल तर या सुविधा मोफत मिळतील. गरीब रथ एक्सप्रेसमध्ये बेडरोलसाठी 25 रुपये वेगळे द्यावे लागतात. काही रेल्वेत तिकीट बुकींग करताना गरजेनुसार स्लीपर क्लासमध्येही बेडरोल घेऊ शकतात. जर तुम्हाला ही सुविधा दिली नाही आणि तुम्ही तक्रार केली तर तुम्हाला 20 रुपये रिफंड मिळणार आहे.
2. रेल्वे प्रवासात तुम्ही प्रवास करताना आजारी पडले तर त्याची माहिती फ्रंट लाइन कर्मचारी, TTE, ट्रेन सुपरिटेंडेंट यांना द्यावी. त्यानंतर ते First AID ची मदत देतात. गरज पडली तर मेडिकल असिस्टेंससुद्धा दिले जाईल. तसेच गरजेनुसार पुढच्या स्टॉपेजवर शुल्क घेऊन मेडिकल ट्रिटमेंटची सुविधा मिळतील. प्रकृती जास्त खराब असेल तर रुग्णालयात दाखल केले जाते.
3. दुरंतो आणि शताब्दीसारखी प्रीमियम रेल्वे निर्धारित स्टेशनवर दोन तासापेक्षा जास्त उशिराने धावत असल्यावर तुम्हाला रेल्वेकडून मोफत जेवण दिले जाते.
4. रेल्वे स्टेशनवर क्लॉक रूम आणि लॉकर रूमची व्यवस्था आहे. या ठिकाणी तुम्ही एक महिना सामान ठेवू शकता. त्यासाठी मात्र निर्धारित केलेले शुल्क द्यावे लागेल.
5. तुमची ट्रेन लेट आहे आणि तुम्ही रेल्वे स्टेशनवर लवकर पोहचले तर वेटिंग रुमची सुविधा दिली आहे. प्रवाशी आपल्या तिकिटानुसार एसी किंवा नॉन एसी वेटिंग हॉलमध्ये थांबू शकता.
6. तुम्हाला दोन ते चार तास थांबण्यासाठी सुविधा हवी असेल तर रिटायरिंग रूमची सुविधा आहे. रेल्वे प्रवाशांसाठी 48 तास थांबण्याची सुविधा या ठिकाणी आहे. तुम्ही IRCTC च्या वेबसाइटवर जावून रिटायरिंग रुमची बुकींग करु शकतात.
7. रेल्वेत कोणतीही मदत हवी असेल तर 139 या क्रमांकावर कॉल करु शकतात. तसेच ट्रेन स्वच्छ नसणे, बाथरूम खराब असणे, चोरी यासाठी www.pgportal.gov.in या पोर्टलवर तक्रार करु शकतात. हेल्पलाइन नंबर 9717630982 किंवा या टेलिफोन नंबर 011-23386203 वर कॉल करु शकतात.