Royal Enfield ची राजवट संपवायला आली 1.49 लाखांची ‘ही’ बाईक, लुकही आहे जबरदस्त

नवी दिल्ली : रॉयल इनफील्ड या दुचाकीचा संपूर्ण देशात दबदबा आहे. या कंपनीची कुठलीही नवीन गाडी बाजारात आली तर ग्राहक तिला पसंती देतात. रॉयल इनफील्ड च्या दुचाकीचा खपही मोठ्या प्रमाणात आहे. भारतातील अशा दुचाकींमध्ये मोठ्या प्रमाणात स्पर्धा आहे. विविध कंपन्या नवनवीन प्रकारात दुचाकी बाजारात विक्रीला आणतात, त्यात अशीच एक दुचाकी थेट रॉयल इनफील्डला टक्कर देणारी आहे. नागरिकांमध्ये रॉयल इनफील्डची क्रेझ मोठ्या प्रमाणात आहे अशातच हंगेरियन या कंपनीने नवीन दुचाकी बाजारात आणली आहे. ऑटो एक्सपो 2023 मध्ये हंगेरियन दुचाकी कंपनी Keeway SR250 ही दुचाकी बाजारात आणली आहे. अवघ्या 1.49 लाख एक्स-शोरूम किमतीची दुचाकी रॉयल एनफिल्ड हंटर 350 ला टक्कर देणारी आहे. बाजारात या दोन्ही दुचाकीची स्पर्धा सुरू झाली आहे. त्यामुळे Royal Enfield च्या हंटर 350 ला टक्कर देणारी Keeway SR250 दुचाकी भाव खाऊन जात आहे.

Keyway SR250 ही दुचाकी हंगेरियन कंपनीच्या SR125 दुचाकी सारखीच पण क्लासिक रेट्रो-थीमचा प्रकार आहे. हंगेरियन कंपनीची SR250 दुचाकी भारतात आधीच उपलब्ध आहे.

125 सीसी बाईक प्रमाणेच हंगेरियनच्या Keeway SR250 ला मल्टी-स्पोक व्हील्स, ब्लॉक पॅटर्न टायर्स, चॉप्ड फेंडर्स, फ्रंट फोर्क गेटर्स, वर्तुळाकार इन्स्ट्रुमेंट कन्सोल, रिबड पॅटर्न सीट आहे.

याशिवाय जुना स्कूल स्क्रॅम्बलर-प्रकारचा स्टॅन्स मिळतो. या दुचाकीतील खास बाब म्हणजे एक गोलाकार सिंगल-पॉड डिजिटल इन्स्ट्रुमेंट कन्सोल, ब्लूटूथ कनेक्टिव्हिटी आणि एलईडी लाइटिंग देखील आहे.

इंजिन आणि पॉवरमध्ये Keeway SR250 ही 250 cc सिंगल-सिलेंडर एअर-कूल्डचा इंजिनमध्ये समावेश आहे. सिंगल-सिलेंडर आणि 4-स्ट्रोक इंजिन 7500rpm चे आहे.

16.08HP ची पीक पॉवर आणि 6500rpm नुसार 16Nm च्या पीक टॉर्कचाही सपोर्ट आहे. ग्लॉसी व्हाईट, ग्लॉसी रेड आणि ग्लॉसी ब्लॅक या तीन रंगांमध्ये ही दुचाकी उपलब्ध होणार आहे.

समोर आलेल्या माहितीनुसार एप्रिल 2023 पर्यंत या दुचाकीची राइड चाचणी पूर्ण होऊ वितरण सुरू होणार आहे.

Keyway SR250 ही दुचाकी रॉयल एनफील्ड हंटर 350, TVS Ronin आणि Kawasaki W175 ला टक्कर देणारी आहे. नव्या पद्धतीनुसार SR250 मॉडेल हे अद्यावायत दुचाकीमध्ये सहभागी झाले आहे.