गळ्यात विषारी साप टाकून बाईकवर निघाला, Reel बनवण्याच्या नादात त्याने…

मध्य प्रदेशातील गुणा येथील राधोगड येथील एका माणसाला रील्स बनवणे महागात पडले आणि त्याचा अतिशय वेदनादायक मृत्यू झाला. धक्कादायक गोष्ट म्हणजे तो गळ्यात साप घेऊन रील्स बनवत होता. त्याच दरम्यान, सापाने त्याला दंश केला आणि त्याचा मृत्यू झाला. तो साप पकडायचं काम करायचा पण त्याचा सापामुळे त्याचा मृत्यू झाला. तो माणूस जेव्हा साप पकडून घरी जात होता, तेवढ्यात त्यावा मुलाच्या शाळेतून फोन आला. म्हणून त्याने साप आपल्या गळ्यात घातला आणि तो माणूस बाईकवरून शाळेकडे निघाला. पण वाटेत सापाने त्याला दंश केल्यानेच त्याचा दुर्दैवी मृत्यू झाला.

राधोगडच्या बरबतपुरा गावातून ही घटना समोर आली आहे, जिथे साप पकडणारा दीपक महावर याचा मृत्यू झाला. त्याला भारसुला परिसरातील सिलीपुरा गावात साप असल्याची माहिती मिळाली होती, त्यानंतर तो साप पकडण्यासाठी तिथे पोहोचला. त्याने गावातून सापाला वाचवलं आणि साप पकडल्यानंतर दीपक परत चालला होता. मात्र तेवढ्यातच, दीपकला त्याच्या मुलाच्या शाळेतून फोन आला.

उपचारानंतरही मृत्यू

अखेर दीपकने तो साप आपल्या गळ्यात टाकला आणि एक रील बनवली. मग घाईघाईत तो आपल्या मुलाला घेण्यासाठी बाईकवरून शाळेला निघाला. यादरम्यान वाटेत सापाने दीपकच्या हाताला दंश केला घेतला. त्याच्या एका मित्राच्या मदतीने तो राधोगड येथील रुग्णालयात पोहोचला. उपचारानंतर त्याला बरं वाटलं आणि तो घरी परत आला. पण रात्री त्याची प्रकृती अचानक पुन्हा बिघडली. त्याच्या कुटुंबियांनी त्याला तातडीने रुग्णालयात नेले, जिथे उपचारादरम्यान त्याचा मृत्यू झाला.

सोशल मीडियावर व्हिडीओ व्हायरल

दीपक जेव्हा त्याच्या मुलाला शाळेतून आणण्यासाठी बाईकवरून घेऊन जाणार होता, तेव्हा एकाने त्याच्या गळ्यात साप पाहिला आणि त्याचा व्हिडिओ बनवला, जो आता सोशल मीडियावर मोठ्या प्रमाणात व्हायरल होत आहे. दीपक गळ्यात साप ठेवून घालून त्याच्याशी खेळताना एक व्हिडीओत दिसत आहे. तो वारंवार सापाच्या तोंडाला स्पर्श करतो. या सापाला कुठून वाचवलं,हेही त्याने व्हिडीओत सांगितलं, मात्र अखेरच त्याच सापाने त्याचा जीव घेतला.