PM नरेंद्र मोदींनी सांगितलं पुन्हा सत्तेत आल्यावर कोणाला मिळणार मंत्रीपद?

Modi Government : लोकसभा निवडणुकीच्या आधी आता भाजप कामाला लागली आहे. मोदी सरकारमधील मंत्र्यांना पंतप्रधान मोदींनी घेतलेल्या बैठकीत महत्त्वाच्या सूचना केल्या आहेत. पंतप्रधान मोदींनी मंत्र्यांना मंत्रीपद मिळेल की नाही याचा विचार न करता पुढील रोडमॅप तयार करण्याच्या सूचना केल्य़ा आहेत.

PM नरेंद्र मोदींनी सांगितलं पुन्हा सत्तेत आल्यावर कोणाला मिळणार मंत्रीपद?
Follow us
| Updated on: Feb 23, 2024 | 4:28 PM

मुंबई : देशात लोकसभा निवडणुकीचं वारं वाहू लागलं आहे. सर्वच पक्ष कामाला लागले आहेत. आगामी सार्वत्रिक निवडणुका लक्षात घेऊन भाजपने आपली रणनीती बनवण्यास सुरुवात केली आहे. केंद्रीय मंत्री परिषदेची ३ मार्च रोजी बैठक होणार आहे. या बैठकीला कॅबिनेट मंत्री, स्वतंत्र प्रभार असलेले राज्यमंत्री आणि राज्यमंत्री उपस्थित राहणार आहेत. निवडणुकीच्या आधी मंत्रिमंडळाची ही अत्यंत महत्त्वाची बैठक असणार आहे. सूत्रांनी दिलेल्या माहितीनुसार, मोदी सरकार पुन्हा सत्तेत येणार असा भाजपला विश्वास आहे. त्यामुळेच त्यांनी मंत्र्यांना पुढील नियोजन करण्याच्या सूचना दिल्या आहेत. निवडणुकीच्या काळात सरकारचे काम मंदावू नये, यासाठी मोठा संदेश देण्यात आला आहे.

पंतप्रधानांनी मंत्र्यांकडून मागितला कृती आराखडा

बुधवारी मोदी सरकारमधील मंत्र्यांनी महत्त्वपूर्ण बैठक झाली. यावेळी पंतप्रधान मोदींनी मंत्र्यांना पुढील 100 दिवसांचा कृती आराखडा विचारला. यासोबतच पीएम मोदींनी मंत्र्यांना पुढील पाच वर्षांचा रोडमॅप देण्यास सांगितले. पंतप्रधान मोदींनी यावेळी सर्व मंत्र्यांना मागितलेली माहिती कॅबिनेट सचिवालयाकडे पाठवण्याचे निर्देश दिले. पुन्हा संधी मिळेल की नाही याचा विचार न करता सर्व मंत्र्यांनी आपापल्या कल्पना, कृती योजना आणि रोडमॅप पाठवावेत, असे पंतप्रधानांनी स्पष्टपणे सांगितले.

भाजपला विजयाचा विश्वास

लोकसभा निवडणुकीत भाजपला मोठं यश मिळेल असा दावा पंतप्रधान मोदी यांच्यापासून प्रत्येक छोटा कार्यकर्ता करत आहे. त्यामुळे विजयाची आशा असलेल्या भाजपने आतापासून जोरदार तयारी सुरु केली आहे. पंतप्रधान मोदींनी म्हणूनच मंत्र्यांकडून पुढील पाच वर्षांचा रोड मॅप आणि 100 दिवसांचा कृती आराखडा मागवलाय. निवडणुकीच्या आधी सरकारी कामाच्या गतीवर कोणताही परिणाम होणार नाही. याची देखील काळजी घेतली गेली आहे.

निवडणूक आयोगाकडून लोकसभा निवडणुकीच्या तारखा जाहीर होण्याआधी या बैठका होत आहेत. निवडणूक आयोग सध्या निवडणूक प्रक्रियेसाठी तयारीचा आढावा घेत आहे. मार्च महिन्यात लोकसभा निवडणुकीचे वेळापत्रक जाहीर होण्याची अपेक्षा आहे.

Non Stop LIVE Update
मी मी म्हणारे चालत नाही, ज्यांचे पुण्य संपले..., महाजनांचा रोख कुणावर?
मी मी म्हणारे चालत नाही, ज्यांचे पुण्य संपले..., महाजनांचा रोख कुणावर?.
चारही खांदे गेले तर मी..., राम बोलो भाई राम, गुलाबराव पाटलांची बॅटिंग
चारही खांदे गेले तर मी..., राम बोलो भाई राम, गुलाबराव पाटलांची बॅटिंग.
राणांची आनंद अडसूळांनी काढली अक्कल,पती-पत्नी त्यांच्या मुलाच्या भेटीला
राणांची आनंद अडसूळांनी काढली अक्कल,पती-पत्नी त्यांच्या मुलाच्या भेटीला.
पाहिजे तेवढा निधी देऊ, पण आमच्यासाठी बटण दाबा कचा कचा...दादांची बॅटिंग
पाहिजे तेवढा निधी देऊ, पण आमच्यासाठी बटण दाबा कचा कचा...दादांची बॅटिंग.
सांगलीत ठाकरे गटाचा खेळ विशाल पाटील बिघडवणार? ठाकरेंचं वाढवलं टेन्शन
सांगलीत ठाकरे गटाचा खेळ विशाल पाटील बिघडवणार? ठाकरेंचं वाढवलं टेन्शन.
पवारांच्या विधानावर दादा म्हणाले, सुनेचे दिवस येतात, किती दिवस बाहेरचे
पवारांच्या विधानावर दादा म्हणाले, सुनेचे दिवस येतात, किती दिवस बाहेरचे.
राणांना मोदींच्या हवेवर अविश्वास?, त्या वक्तव्यावरून विरोधकांची टीका
राणांना मोदींच्या हवेवर अविश्वास?, त्या वक्तव्यावरून विरोधकांची टीका.
मुंबईत मनसे इंजिनवर लोकसभा लढणार? पाठिंब्यानंतर महायुतीची पुन्हा बोलणी
मुंबईत मनसे इंजिनवर लोकसभा लढणार? पाठिंब्यानंतर महायुतीची पुन्हा बोलणी.
कल्याणात युतीधर्म संकटात? भाजप आमदाराची पत्नी ठाकरेंच्या उमेदवारासोबत?
कल्याणात युतीधर्म संकटात? भाजप आमदाराची पत्नी ठाकरेंच्या उमेदवारासोबत?.
मोदींवरील त्या वक्तव्यावर नवनीत राणांचं स्पष्टीकरण, विरोधकांवर घणाघात
मोदींवरील त्या वक्तव्यावर नवनीत राणांचं स्पष्टीकरण, विरोधकांवर घणाघात.