लॉकडाऊदरम्यान अनाथ महिलेवर पोलिसांकडून अंत्यसंस्कार, फोटो पाहून अनेकजण भावूक
देशाता कोरोनाचा वाढता प्रादुर्भाव रोखण्यासाठी 3 मे पर्यंत लॉकडाऊन वाढवण्यात आला (Police funeral to Orphans women death) आहे.
लखनऊ : देशाता कोरोनाचा वाढता प्रादुर्भाव रोखण्यासाठी 3 मे पर्यंत लॉकडाऊन वाढवण्यात आला (Police funeral to Orphans women death) आहे. हा लॉकडाऊन यशस्वी करण्याची जबाबदारी पोलिसांवर आहे. देशावर आलेल्या या संकटात डॉक्टर आणि पोलीस महत्त्वाची भूमीका बजावत आहेत. याच दरम्यान पोलिसांनी उत्तर प्रदेशमधील एका अनाथ महिलेचा मृत्यू झाल्याने तिच्यावर अंत्यसंस्कार केले. या घटनेचा फोटो सध्या मोठ्या प्रमाणात व्हायरल झाला आहे. हा फोटो पाहून सध्या अनेकजण भावनिक (Police funeral to Orphans women death) होत आहेत.
उत्तर प्रदेशच्या मेरठमधील जनपद सहारनपूर येथील किशनपूर गावात मिना नावाच्या एक महिलेची तब्येत ठिक नव्हती. ती अनाथ असल्यामुळे पोलिसांनी तिला गाडीतून रुग्णालयात नेऊन दाखल केले. दाखल केल्यानंतर उपचारा दरम्यान महिलेचा मृत्यू झाला. त्यानंतर पोलिसांनी या महिलेवर अंत्यसंस्कार केले.
देशात लॉकडाऊन असल्यामुळे सर्वत्र बंद आहे. या दरम्यान गरिब कुटुंबाचेही हाल होत आहेत. त्यामुळे पोलिसांकडून या गरिब कुटुंबांसाठी जेवणाची व्यवस्था करण्यात आली आहे. लॉकडाऊन दरम्यान पोलीस आपल्या ड्युटी व्यतिरिक्त अनेक सामाजिक कामं करतानाचे फोटो समोर आले आहेत. या फोटोमधून माणुसकीचे दर्शन घडत आहेत.
नुकतेच एक तरुण सुरतवरुन भोपाळ येथे शेकडो किमी चालत आला होता. चालत आल्यामुळे त्याच्या पायाला जखमा झाल्या होत्या. अशावेळी भोपाळ पोलिसांनी स्वत: त्या तरुणांच्या पायाच्या जखमेला औषध लावून ते साफ केले होते. याचाही फोटो सर्वत्र व्हायरल झाला होता.
दरम्यान, दिवसेंदिवस कोरोना रुग्णांच्या संख्येत वाढ होत आहे. कोरोनाचा प्रादुर्भाव रोखण्यासाठी सरकारकडून अनेक प्रयत्न केले जात आहे. आतापर्यंत देशात दहा हजारपेक्षा अधिकांना कोरोनाची लागण झाली आहे. तर 414 रुग्णांचा कोरोनामुळे मृत्यू झाला आहे.