बहीण-भावाला मोठा झटका… राहुल गांधी आणि प्रियंका यांच्या विरोधात एफआयआर; आरोप काय?
काँग्रेस नेते राहुल गांधी आणि प्रियंका गांधी यांच्या विरोधात दिल्लीत एफआयआर दाखल करण्यात आला आहे. मुख्य निवडणूक आयुक्त ज्ञानेश कुमार यांच्या कथित घोटाळ्याच्या विरोधात इंडिया आघाडीने आंदोलन केले होते. यावेळी आकाशवाणी भवनात जबरदस्तीने घुसण्याचा प्रयत्न केल्याप्रकरणी दिल्ली पोलिसांनी हा गुन्हा दाखल केला आहे.
काँग्रेस नेते राहुल गांधी आणि प्रियंका गांधी यांना दिल्लीत आंदोलन करणं चांगलंच भोवलं आहे. या दोन्ही बहीणभावाविरोधात एफआयआर दाखल करण्यात आला आहे. मुख्य निवडणूक आयुक्त ज्ञानेश कुमार यांच्या विरोधात दिल्लीत इंडिया आघाडीने आंदोलन केलं होतं. यावेळी आकाशवाणी भवनात जबरदस्तीने घुसण्याचा प्रयत्न केला म्हणून राहुल गांधी आणि प्रियंका गांधी यांच्या विरोधात गुन्हा दाखल करण्यात आला आहे. त्यामुळे दोघांच्याही अडचणीत वाढ होण्याची शक्यता आहे.
काँग्रेस नेते राहुल गांधी आणि प्रियंका गांधी कालच्या आंदोलनावेळी आकाशवाणी भवनमध्ये जबरदस्तीने घुसले होते. त्यांना अटकाव केल्यानंतरही त्यांनी आकाशवाणी भवनात प्रेश केला होता. त्याममुळे दिल्ली पोलिसांनी त्यांच्या विरोधात एफआयआर दाखल केला आहे. राहुल आणि प्रियंका यांच्यासहीत इंडिया आघाडीच्या अनेक नेत्यांना काल रात्रीच दिल्ली पोलिसांनी ताब्यात घेतलं होतं.
अन् ठिय्या आंदोलन सुरू
मुख्य निवडणूक आयुक्त ज्ञानेश कुमार यांच्या कथित घोटाळ्याप्रकरणी काल इंडिया आघाडीने दिल्लीत मोर्चाचं आयोजन केलं होतं. संसदभवन ते निवडणूक आयोगाच्या कार्यालयापर्यंत हा मार्च काढण्यात आला होता. या मार्चमध्ये इंडिया आघाडीचे 140 खासदार सहभागी झाले होते. हा मार्च निघाल्यानंतर आकाशवाणीपासून 400 मीटर अंतरावर हा मोर्चा अडवण्यात आला होता. त्यामुळे राहुल गांधी, प्रियंका गांधी आणि इतर इंडिया आघाडीच्या नेत्यांनी त्याच ठिकाणी ठिय्या आंदोलन सुरू केलं होतं. संध्याकाळपर्यंत हे ठिय्या आंदोलन सुरू होतं. त्यामुळे दिल्लीतील वातावरण अधिकच तापलं होतं. आंदोलकांना पोलिसांनी आधी ताब्यात घेतलं होतं. नंतर त्यांना सोडून देण्यात आलं. त्यानंतर पुन्हा राहुल गांधी आणि प्रियंका गांधी यांनी ठिय्या आंदोलन सुरू केलं होतं.
आकाशवाणी भवनाकडे कूच
त्यानंतर राहुल गांधी आणि प्रियंका गांधी यांनी आकाशवाणी भवनाकडे कूच केली होती. त्यांनी आकाशवाणी भवनात घुसण्याचा प्रयत्न केला. पण तरीही त्यांना अडवण्यात आलं होतं. पण दोन्ही नेत्यांनी कुणालाही न जुमानता थेट आकाशवाणी भवनात प्रवेश केला होता. इंडिया आघाडीच्या कालच्या आंदोलनावेळी संसद ते निवडणूक आयोगापर्यंत मोठा बंदोबस्त ठेवण्यात आला होता. प्रत्येक रस्त्यावर बॅरिकेड्स लावण्यात आले होते. आंदोलकांनी आयोगाच्या कार्यालयात घुसू नये म्हणून संपूर्ण खबरदारी घेण्यात आली होती.
