AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

झकमारी केली अन् मंत्री झालो… संजय शिरसाट यांच्या विधानाने खळबळ; महायुतीच्या स्टेजवरच…

सामाजिक न्याय मंत्री संजय शिरसाट यांच्या "२०२२ ला आम्ही झकमारी केली म्हणून मी मंत्री झालो" या विधानाने राजकीय वर्तुळात खळबळ उडाली आहे. छत्रपती संभाजीनगरमध्ये महायुतीच्या प्रचारसभेत बोलताना त्यांनी हे विधान करत, २०२० मधील उद्धव ठाकरे यांच्याविरोधातील बंडाकडे लक्ष वेधले.

झकमारी केली अन् मंत्री झालो... संजय शिरसाट यांच्या विधानाने खळबळ; महायुतीच्या स्टेजवरच...
sanjay shirsatImage Credit source: tv9 marathi
| Updated on: Oct 05, 2026 | 5:47 PM
Share

आम्ही 2022ला झकमारी केली म्हणून मी मंत्री झालो. त्यात सुद्धा खूप स्पर्धा होत्या, असं खळबळजनक विधान राज्याचे सामाजिक न्याय मंत्री संजय शिरसाट यांनी केलं आहे. छत्रपती संभाजीनगरमध्ये महायुतीच्या प्रचारसभेतच ते बोलत होते. उद्धव ठाकरे यांच्याविरोधात केलेल्या बंडावर बोलताना शिरसाट यांनी हे विधान केलं आहे. यावेळी त्यांनी मी जे काही आहे, ती केवळ आणि केवळ शिवसेनाप्रमुखांची पुण्याई असल्याचंही म्हटलंय.

माझा मतदारसंघ फक्त 20 किलोमीटर अंतरावर आहे. 4 लाख मतदार असलेला माझा मतदारसंघ आहे. या मतदारसंघात मी 30 टक्के ठिकाणीही पोहोचू शकत नाही. कार्यकर्त्यांना समजून सांगण्यात अर्धा वेळ जातो, त्यानंतर प्रचाराच्या कामाला लागावं लागतं. निवडणूक लढणं फार जिकरीचं काम आहे. सतीशराव (सतीश चव्हाण) कसं करतील काय माहीत? पदवीधर इच्छुक कमी असतात, त्यातले एक नाव फायनल करावं लागतं, असं संजय शिरसाट म्हणाले.

अन् चौथ्यांदा निवडून आलो

पहिल्या निवडणुकीचा अनुभव वेगळा असतो. अनेकजण इच्छूक असतात. पहिल्यांदा मी निवडून आल्यावर दुसऱ्यांदा वाटलं आता काही खरं नाही. तिसऱ्यांदा वाटल आता तर काहीच खरं नाही. असं करता करता मी चौथ्यांदा निवडून आलो, असं शिरसाट यांनी सांगताच एकच खसखस पिकली.

ते आम्हा दोघांनाच माहीत

मला शेवटी बोलायला उभं केलं आहे, कारण माझी कोणतीही शाळा नाही. माझं कोणतंही कॉलेज नाही. त्यांनी मला सांगितले बाबा फक्त तू बोल. बाकी काही करू नको. आम्ही आमचं पाहून घेतो. हा एक प्रकारचा अन्याय आहे. व्यासपीठावर बसल्यावर हलता येत नाही, पण मी व्यासपीठावर नसतो तर कॅमेऱ्यावाल्याने संजय शिरसाट नाराज असल्याची बातमी चालवली असती. अरे हा सतीश चव्हाण आहे. तुम्ही म्हणताय काल त्यांची उमेदवारी जाहीर झाली. मात्र त्यांनी दोन दिवसापूर्वी फॉर्म आणला होता, हे आमच्या दोघांनाच माहीत आहे, असा गौप्यस्फोटही त्यांनी केला. आयुष्यात पदवीधर झालो तरी ही निवडणूक लढणार नाही एवढं नक्की सांगतो. 76 तालुके. प्रचाराला दिवस 18. त्यात दसरा, त्यात दुष्काळ. 76 तालुक्याचा दौरा करायचा आणि उरले दिवस फक्त 18, असं गणितच त्यांनी मांडलं.

उगाच आव आणू नका

यावेळी त्यांनी सतीश चव्हाण यांना जिंकण्याचा कानमंत्रही दिला. उगाच आव आणू नका. कार्यकर्त्यांना खूश ठेवा, असा सल्ला देतानाच काही कमी पडलं तर मी आहेच, असंही शिरसाट म्हणाले. आपल्याला केवळ कार्यकर्त्यांमुळेच विजय मिळतो. विक्रम काळे यांनी विक्रम केला आहे, तुझ्या वडिलांची पुण्याई आहे. आमचं काही पुण्य नाही. आमच्यावर शिवसेनाप्रमुखांची पुण्याई आहे, असं त्यांनी स्पष्ट केलं.

Follow Us
दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या....
Maharashtra Drought : दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या जिल्ह्यातील कोणत्या तालुक्यांचा समावेश? व्हिडिओ बघाच 
दाऊद इब्राहिमच्या मुंबईतील घराच्या तोडक कारवाईला हायकोर्टाची स्थगिती..
Dawood Ibrahim : दाऊद इब्राहिमच्या मुंबईतील जुन्या घराच्या तोडक कारवाईला हायकोर्टाची स्थगिती; पुढील सुनावणी कधी?
500 कोटींच्या ऑडिओ क्लिपवरुन मनोज जरागेंचा नवा दावा काय?
Manoj Jarange : 500 कोटींच्या ऑडिओ क्लिपवरुन मनोज जरागेंचा नवा दावा काय?
भाजप आमदार महेश बालदींना तीन वर्षांची कारावासाची शिक्षा; निकालानंतर...
Mahesh BaldI : भाजप आमदार महेश बालदींना तीन वर्षांची कारावासाची शिक्षा; मात्र निकालानंतर...
दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय काय?
Maharashtra Drought : आधी पाणी, मग सुशोभीकरण; दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय
शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्ष..
Shivsena : BJP : शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्षबदलाने पालघरच्या राजकारणात खळबळ
शिंदेंचा प्रवासाचा प्लॅन बदलला; रस्तेमार्गे पुण्याकडे रवाना....
Eknath Shinde : हेलिकॉप्टरमध्ये बिघाड, शिंदेंचा प्रवासाचा प्लॅन बदलला; पंढरपुरातून रस्तेमार्गे पुण्याकडे रवाना
शायना एन.सी. यांच्याविरोधात ठाकरे गटाच्या शिवसैनिकांचं आंदोलन...
Pune : बाळासाहेबांचा अवमान सहन करणार नाही...; शायना एन.सी. यांच्याविरोधात ठाकरे गटाच्या शिवसैनिकांचं आंदोलन
शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
Shivsena Supreme Court Hearing : शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
GTA 6 Launch : तब्बल 13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ