Explainer : राम मंदिरात देणगी स्कॅम? तिरुपती बालाजी देवस्थानात प्रत्येक रुपयाचा हिशोब कसा ठेवला जातो; देखरेखीचे मॉडेल काय?

Ram Mandir Donation Scam : जेव्हा कधी एखादा भाविक मंदिरात दान करतो तेव्हा तो फक्त पैसे, दागिने देत नाही. या दानासोबतच त्याची भक्ती, भाव, श्रद्धादेखील जोडलेली असते. अयोध्येतील प्रभु रामाचे मंदीर हे देशातील कोट्यवधी लोकांचे श्रद्धास्थान आहे. या ठिकाणी देशभरातून लोक प्रभु रामापुढे नतमस्तक होण्यासाठी येतात. अयोध्येत पाय ठेवल्यावर प्रभु रामाचे दर्शन घेऊन हे भक्त दानदेखील करतात. परंतु आता याच राम मंदिरात भक्तांनी केलेल्या दानावर काही लोकांनी डल्ला मारल्याचा दावा केला जात आहे. प्रभु रामाच्या मंदिरात आलेले दान आणि देणग्यात आर्थिक गैरव्यवहार केल्याचा आरोप करण्यात आहे. या प्रकरणाची चौकशीदेखील सुरू झाली आहे. विशेष म्हणजे आतापर्यंत अनेकांना अटक करण्यात आली आहे. हे कथित प्रकरण समोर आल्यानंतर आत मंदिरात करण्यात आलेले दान आणि देण्यात आलेली देणगी यांच्या सुरक्षेचे काय? या सर्व दानधर्मावर कठोरपणे लक्ष देणारी आणि गैरव्यवहाराला आळा घालणारी एखादी व्यवस्था असायला हवी, अशी अपेक्षा व्यक्त केली जात आहे. देशातील तिरुपती बालाजी या देवस्थानावर अशीच एक चोख व्यवस्था आहे. ही प्रणाली नेमकी...