लढत झाली तरी ती मैत्रीपूर्णच असणार; शशी थरुरांनी हा फोटो केला शेअर…
काँग्रेसचे दिग्गज नेते शशी थरूर यांनी सोशल मीडियावरुन एक फोटो शेअर केला आहे. त्यामुळे या फोटोची सध्या जोरदार चर्चा सुरु आहे.
नवी दिल्लीः देशातील सर्वात जुना पक्ष म्हणून काँग्रेस (Congress) ओळखले जात असल्याने त्या पक्षाच्या निवडणुकीत आता रोज नवे नवे ट्विस्ट येत आहेत. तर आता गहलोत निवडणुकीच्या (Election 2022) लढाईतून बाजूला झाले असल्याने ही निवडणूक आणखी रंगतदार होणार असल्याचेच दिसत आहे. तर दुसरीकडे मात्र काँग्रेसच्या नेत्यांनी पक्षाच्या अध्यक्षपदाच्या निवडणुकीत जो विजयी होईल, तो पक्षाचाच विजय होणार असल्याचेही त्यांनी स्पष्ट केले आहे.
Received a visit from @digvijaya_28 this afternoon. I welcome his candidacy for the Presidency of our Party. We both agreed that ours is not a battle between rivals but a friendly contest among colleagues. All we both want is that whoever prevails, @incIndia will win!✋?? pic.twitter.com/Df6QdzZoRH
— Shashi Tharoor (@ShashiTharoor) September 29, 2022
काँग्रेसचे दिग्गज नेते शशी थरूर यांनी सोशल मीडिया अकाउंटवर एक फोटो शेअर केला आहे. त्या फोटोमध्ये दिग्विजय सिंह आणि शशी थरुर अगदी एकमेकांसोबत दिसून येत आहेत.
खरे तर काँग्रेस पक्षाच्या अध्यक्षपदासाठी शशी थरूर आणि दिग्विजय सिंह यांच्यात लढत होत आहे. राजस्थानमधील राजकीय गदारोळानंतर मुख्यमंत्री अशोक गेहलोत यांनी गुरुवारी आपण पक्षाच्या अध्यक्षपदाची निवडणूक लढवणार नसल्याचे स्पष्ट केले आहे.
त्यामुळे आता या दोन नेत्यांच्या दाव्याला अधिक बळ मिळाले आहे. पंजाबमधील आनंदपूर साहिबचे खासदार मनीष तिवारी यांनीही अध्यक्षपदासाठी दावा करणार होते, मात्र त्यांच्याकडून अद्याप कोणतीही स्पष्ट भूमिका आलेली दिसून येत नाही.
शशी थरूर यांनी जे ट्विट केले आहे त्यामध्ये त्यांनी लिहिले की, ‘दिग्विजय सिंह यांची भेट घेतली, मी आमच्या पक्षाच्या अध्यक्षपदासाठी त्यांच्या उमेदवारीचेही मी स्वागत करतो.
‘ या पोस्टमध्ये त्यांनी स्पष्ट केले आहे की, दोघांमध्ये स्पर्धात्मक लढाई नाही आणि तशी भावनाही नाही असंच त्यांनी स्पष्ट केले आहे. त्यांनी लिहिले की, ‘आम्ही ही निवडणूक प्रतिस्पर्ध्यांसारखी लढणार नाही, तर आमच्यात मैत्रीपूर्ण लढत होणार असून ही लढत आम्ही जिंकूच असंही त्यांनी सांगितले आहे.
