AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

धावत्या ट्रेनमध्ये 3 किलो सोन्याची जबरी चोरी, काहीच क्ल्यू नाही, अचानक एक वस्तू मिळाली अन्… काय घडलं नेमकं?

तामिळनाडूमध्ये धावत्या ट्रेनमधून 3 किलो सोन्याची चोरी झाली. पोलीस हैराण झाले असताना, मात्र फेकलेल्या बॅगेतील एका वस्तूमुळे चोराचा छडा लागला. एका चुकीमुळे 17 वर्षांपासून गुन्हेगारीपासून दूर राहिलेला चोर पुन्हा पकडला गेला.

धावत्या ट्रेनमध्ये 3 किलो सोन्याची जबरी चोरी, काहीच क्ल्यू नाही, अचानक एक वस्तू मिळाली अन्... काय घडलं नेमकं?
धावत्या ट्रेनमधून जबरी चोरी, असा लागला छडा
| Updated on: Aug 18, 2026 | 6:31 PM
Share

तामिळनाडूमध्ये धावत्या ट्रेनमधून थोडथोडकं नव्हे तर तब्बल 3 किलो सोनं चोरीला गेल्याची केस समोर आली आणि पोलिसही हैराण झाले. त्यांच्यासमोर मोठं आव्हानंच उभं राहिलं. मात्र चोराने केलेली एक छोटीशी चूक त्याला नडली आणि क्षणात त्याचा खेळ खल्लास झाला. ती चूक म्हणजे फेकून दिलेल्या बॅगेत असलेलं स्मार्टवॉच ! वाचून तुम्हीही चक्रावलात ना, पण हे खरं आहे. याच स्मार्टवॉचच्या मदतीने, अर्थात GPS लोकेशनने पोलिस थेट कुख्यात चोरापर्यंत म्हणजेच अमरनाथ जायस्वालपर्यंत पोहोचले. धक्कादायक गोष्ट म्हणजे अमरनाथ याच्याविरोधात यापूर्वीही ट्रेनमधील चोरीचे तब्बल 36 गुन्हे दाखल होते. खरंतर गेल्या 17 वर्षांपासून तो गुन्हेगारीपासून दूर राहिला होता, मात्र याच वर्षी त्याने पुन्हा चोरी करायला सुरूवात केली. एका ट्रेनमधून त्याने सोनं असलेली बॅग चोरली, मात्र हीच चोरी महागात पडली.

नेमकं काय घडलं?

23 जुलै रोजी 47 वर्षांचे दीपक संचेती हे मदुराईहून चेन्नई एग्मोरला जाणाऱ्या अनंतपुरी एक्स्प्रेसमधून प्रवास करत होते. ते टी. नगरमधील एका दागिन्यांच्या दुकानात मार्केटिंग एक्झिक्युटिव्ह म्हणून काम करतात. त्या दिवशी काम आटोपून चेन्नईला परतताना त्यांच्या जवळ सुमारे 3 किलो सोनं होतं. मात्र प्रवासात त्यांचा डोळा लागला आणि जेव्हा त्यांना जाग आली तेव्हा ते हादरलेच, कारण ज्यात सोनं ठेवलं होतं, ती बॅग गायब होती. त्यानंतर 24 जुलै रोजी त्यांनी तांबरम रेल्वे पोलिसांकडे धाव घेत सगळा प्रकार सांगितला आणि चोरीची तक्रार दाखल केली. याची गंभीर दखल घेत पोलिसांनी तपास सुरू केला आणि दीपक यांच्या बॅगेतील वस्तूंची माहिती घेतली.

तपासाला असं मिळालं निर्णायक वळण

त्याचवेळी एक महत्त्वाची बाब समोर आली – बॅगेतील एका पाउचमध्ये दीपक यांचं स्मार्टवॉच होतं. त्यानंतर पोलिसांनी स्मार्टवॉचचा GPS डेटा तपासला असता त्याचं शेवटचं लोकेशन हे त्रिची आणि विरुधाचलमदरम्यान रेल्वे ट्रॅकजवळ आढळलं. त्यामुळे चोरीची बॅग याच परिसरात ट्रेनमधून फेकण्यात आली असावी, असा अंदाज पोलिसांनी वर्तवला. त्यानंतर ट्रेनमधील प्रवासी आणि रेल्वे कर्मचाऱ्यांची चौकशी सुरू करण्यात आली. याच तपासादरम्यान सेकंड एसी कोचमधील एका प्रवाशाच्या हालचाली संशयास्पद असल्याचं पोलिसांना आढळलं. तो प्रवासी सारखा सीटवरून उठायचा आणि टॉयलेटच्या दिशेने जायचा . एवढंच नव्हे तर तो कोचच्या दरवाजाजवळही बराच वेळ उभा राहत होता, असं पोलिसांना समजलं.

पोलिसांनी प्रवाशांची यादी तपासली आणि त्या संशयिताचे नाव समोर आलं, ते म्हणजे अमरनाथ जयस्वाल. ते नाव समोर येताच पोलिसांचा संशय आणखी बळावला. कारण अमरनाथविरोधात यापूर्वी ट्रेनमधील चोरीचे तब्बल 36 गुन्हे दाखल होते. पोलिसांनी दिलेल्या माहितीनुसार, दीपक यांच्याकडे मोठ्या प्रमाणात सोनं असल्याचं अमरनाथने हेरलं होतं. दीपक यांना झोप लागल्यावर त्याने त्रिचीजवळ त्यांची बॅग चोरली. त्याने त्यातलं सोनं स्वतःच्या सामानात ठेवलं आणि दीपक यांची बॅग मात्र ट्रेनबाहेर फेकून दिली.

एका स्मार्टवॉचने उघड झाली जबरी चोरी

त्याला वाटले की बॅग फेकून दिल्यानंतर पुरावेही नष्ट झाले. पण त्या बॅगेत असलेली एक स्मार्टवॉच त्याच्या संपूर्ण कटाचा पर्दाफाश करेल, असं त्याला स्वप्नातही वाटलं नव्हतं. चोरी केल्यानंतर अमरनाथ पुन्हा आपल्या सीटवर जाऊन झोपला. कोणालाही संशय येऊ नये, म्हणून तो इतर प्रवाशांप्रमाणेच वागत राहिला. चेंगलपट्टूजवळ दीपक यांना चोरी झाल्याचं लक्षात आलं, तर अमरनाथ हा तांबरम येथे ट्रेनमधून उतरला.

पोलिसांच्या माहितीनुसार, अमरनाथसोबत आणखी दोन आरोपी या कटात सहभागी होते. या टोळीने मदुराई, चेन्नई, हैदराबाद, बिहार आणि कोलकाता जाणाऱ्या विविध ट्रेनमध्ये तिकिटं बुक करून काही प्रवाशांना लक्ष्य केलं. चोरी झाल्यावर आरोपींनी राजन कुमारशी संपर्क साधला. चोरीचं सोनं घेण्यासाठी तो कोलकाताहून विमानाने चेन्नईला आला होता. मात्र या केसचं गांभीर्य लक्षात घेऊन पोलिसांनी विशेष तपास पथक तयार केलं. स्मार्टवॉचनंतर मोबाईल फोनच्या लोकेशनमुळेही तपासाला मोठी मदत झाली. अखेर या केसचे धागेदोरे पश्चिम बंगालमधील सिलीगुडीपर्यंत पोहोचले. तिथेच पोलिसांनी अमरनाथला अटक केली आणि बिहारमधून राजन कुमारच्या मुसक्या आवळल्या. त्यांच्याकडून 4 लाख रुपये जप्त करण्यात आले. पोलिस याप्रकरणी आणखी दोन आरोपींचा शोध घेत आहे, चोरी केलेलं 3 लाखांचं सोन त्यांच्याकडेच असावं असा संशय आहे.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी