अमेरिकेकडून रात्रीच्या अंधारात इराणच्या विरोधात छुपा डाव; डोनाल्ड ट्रम्प यांच्या चोरीचा खेळ जगासमोर

अमेरिकेच्या सैन्याचा कारनामा जगासमोर आला आहे. अमेरिकेचा होर्मुझच्या सामुद्रधुनीवर रात्रीच्या अंधारात चोरीचा खेळ सुरू आहे. एका नव्या रिपोर्टमुळे डोनाल्ड ट्रम्प यांच्या सैन्याचं सिक्रेट समोर आलं आहे. अमेरिकी सैन्याने होर्मुझच्या सामुद्रधुनीतून तेल घेऊन जाण्यासाठी एक विशेष मार्ग तयार केला आहे. इराणची नाकेबंदी असतानाही दररोज 1 कोटी बॅरेल तेल होर्मुझच्या सामुद्रधुनीतून काढण्यात येत आहे. एका वेबसाइटने अमेरिकेच्या दोन अधिकाऱ्यांकडून मिळालेल्या माहितीच्या माध्यमातून हा दावा केला आहे.

मीडिया रिपोर्टनुसार, मागील काही आठवड्यांपासून अमेरिकेच्या सैन्याकडून चोरी सुरू आहे. या ऑपरेशनच्या माध्यमातून 15 ते 20 तेल टँकर होर्मुझच्या सामुद्रधुनीतून चोरी छुपे नेले जात आहेत. अमेरिकीचे ही जहाजे ओमानच्या किनाऱ्याजवळील दक्षिण मार्गाने जात आहेत. अधिकाऱ्यांच्या माहितीनुसार, होर्मुझकडून दररोज अंदाजे 1 कोटी बॅरेल काढले जात आहे. संकटाच्या काळातील अमेरिकेची ही महत्वपूर्ण कामगिरी मानली जात आहे. हेच तेल जागतिक बाजारपेठेत दाखल होत आहे.

रात्रीच्या अंधारात चोरीचा खेळ

अमेरिकी सैन्य फक्त तेलवाहू जहाजांचं संरक्षण करत नाही, तर अरबी समुद्रातून होर्मुझच्या सामुद्रधुनीमार्गे रिकाम्या जहाजांनाही रिकाम्या जहाजांनाही प्रवेश करण्यास मदत करत आहे. याच रिकाम्या जहाजांमध्ये तेल भरले जात आहेत. त्यानंतर सामुद्रधुनीतून बाहेर पडली जात आहेत. या संपूर्ण मोहिमेची कोणतीही माहिती पूर्णपणे उघड झालेली नाही. अॅक्सिऑसच्या वृत्तानुसार, अमेरिकी अधिकाऱ्याने सांगितलं की, आम्ही गेल्या दोन महिन्यांपासून होर्मुझच्या सामुद्रधुनीकडे दक्षिणेतील मार्गावर नियंत्रण ठेवण्याचे काम करत आहे. इराणचे रिव्होल्यूशनरी गार्ड कॉर्प्स त्रास देऊ शकतात. परंतु सामुद्रधुनीवर त्यांचं नियंत्रण नसून ते आमचे आहे’.

होर्मुझच्या संपूर्ण मोहिमेवर नॉर्थ कॅरोलिनामामधील फोर्ट ब्रॅग येथील अमेरिकी लष्कराच्या मुख्यलयातून लक्ष दिले जात आहेत. आखाती प्रदेशातील मित्र देशांचंही सहकार्य मिळत आहे. तेलवाहू जहाज आणि रिकाम्या जहाजांची यादी तयार केली जाते. तेलवाहू जहाजे अरबी समुद्रातून होर्मुझच्या सामुद्रधुनीमार्गे आखाती बंदरापर्यंत आणली जातात. तिथे इंधन भरून नंतर परत जातात. प्रत्येक रात्री जहाजांच्या येण्या-जाण्याच्या वेळा निश्चित करण्यात आल्या आहेत. रात्रीच्या वेळी जहाजांची एक मोठी रांग बाहेर पडते. तर दुसरीकडून रिकाम्या टँकरची मोठी रांग आत येते. अमेरिकेची हवाई दलाची लढाऊ विमाने या जहाजांचं संरक्षण करतात. इराणकडून येणाऱ्या क्रूझ क्षेपणास्त्र आणि ड्रोनपासून संरक्षणासाठी विमाने देखील तैनात केली आहेत.