What India Thinks Today : देशातील सर्वात मोठ्या मेगा इव्हेंटला सुरुवात; दिल्लीत व्हॉट इंडिया थिंक्स टुडे कॉन्क्लेव्हचं थाटात उद्घाटन

संपूर्ण देशाचं लक्ष लागून राहिलेल्या टीव्ही9 नेटवर्कच्या व्हॉट इंडिया थिंक्स टुडे या कॉन्क्लेव्हची सुरुवात झाली आहे. आजपासून तीन दिवस दिल्लीच्याअशोका हॉटेलमध्ये ही कॉन्क्लेव्ह पार पडत आहे. सलग तीन दिवस हा कार्यक्रम चालणार आहे. आज पहिल्याच दिवशी विविध सत्र होणार आहेत.

what india thinks todayImage Credit source: tv9 marathi

Bhimraao Gawali | Updated on: Feb 25, 2024 | 4:48 PM

नवी दिल्ली | 25 फेब्रुवारी 2024 : संपूर्ण देशाचं लक्ष लागून राहिलेल्या टीव्ही9 नेटवर्कच्या व्हॉट इंडिया थिंक्स टुडे या कॉन्क्लेव्हची सुरुवात झाली आहे. आजपासून तीन दिवस दिल्लीच्याअशोका हॉटेलमध्ये ही कॉन्क्लेव्ह पार पडत आहे. या कॉन्क्लेव्हला देश विदेशातील मान्यवर उपस्थित आहेत. तीन दिवस चालणाऱ्या या सोहळ्याचं आज शानदार उद्घाटन करण्यात आलं. यावेळी टीव्ही9 नेटवर्कचे एमडी आणि सीईओ बरूण दास यांनी प्रास्ताविक केलं.

सलग तीन दिवस हा कार्यक्रम चालणार आहे. आज पहिल्याच दिवशी विविध सत्र होणार आहेत. त्यात अनेक मान्यवर सहभागी होणार आहेत. केंद्रीय माहिती आणि प्रसारण मंत्री अनुराग ठाकूर यांची मुलाखत होणार आहे. त्यानंतर पूनावाला फिनकॉर्पचे एमडी अभय भुतडा हे संबोधित करणार आहेत. त्यानंतर क्रीडा क्षेत्रातील भारताच्या संधींवर परिसंवाद होणार असून त्यात दिग्गज मार्गदर्शन करणार आहेत. यावेळी मनोरंजन क्षेत्रासह इतर क्षेत्रात नावलौकिक मिळवणाऱ्यांचा सत्कारही करण्यात येणार आहे.