बाईकवरुन जाताना महिलेची ओढणी चेनमध्ये अडकून भयानक अपघात, कोपरापासून हातच निखळला

महिलांना मोटर सायकलवर बसताना किती सावध राहीले पाहीजे याचा धडा शिकविणारी दुर्दैवी घटना घडली आहे. एक महिला आपल्या सहा महिन्याच्या मुलीला डॉक्टरांना दाखविण्यासाठी आपल्या एका नातलगाच्या मोटरसायकलवर मागे बसली होती. परंतू या महिलेची ओढणी अचानक मोटर सायकलच्या चेनमध्ये अडकून मोठा अपघात घडला आहे. या महिलेचा हात कोपरापासून निखळून तुटल्याचा धक्कादायक प्रकार घडला आहे.

या अपघातात दुर्दैवी रक्षा हीचा डावा हात कायमचा निकामी झाला आहे.

झांसी येथील हंसारी -राजगढ मार्गावर हा धक्कादायक अपघात घडला आहे. आपल्या मुलीच्या उपचारासाठी एक महिला एका नातेवाईकाच्या बाईकवरुन जात असताना अचानक तिची ओढणी बाईकच्या चेनमध्ये अडकल्याने तिचा हात चेनमध्ये अडकून कोपरापासून तुटला आहे. या महिलेने तिचा हात गमावला आहे. या महिलेवर एका खाजगी रुग्णालयात उपचार सुरु आहेत.

राजगढ येथे रहाणारे जयराम अहिरवार यांची मुलगी रक्षा माहेरी भाऊबि‍जेनिमित्त आली होती. तिच्या सहा महिन्यांच्या मुलीला बरे वाटत नसल्याने ती एका नातलगाच्या बाईकवरुन डॉक्टरांकडे निघाली होती. या दरम्यान तिची ओढणी बाईकच्या चाकात अडकली. ओढणी हाताला गुंडाळलेली असल्याने तिचा डावा हात चेनमध्ये अडकल्याने कोपरापासून तुटल्याचा भयानक प्रकार घडला आहे. जयराम हे मजूर असून त्यांच्या मुलीचे गेल्यावर्षीच लग्न झाले होते. ती दिवाळी भाऊ बिजेनिमित्त माहेरी आली असताना ही दुर्दैवी घटना घडल्याने हळहळ व्यक्त होत आहे.

महिलांनी बाईकवर बसताना सावध राहावे

बाईकवर बसताना महिलांनी सावधान बसावे आपले कपडे मोटार सायकलमध्ये अडकणार नाहीत याची काळजी घ्यावी. बाईक सुरु होण्यापूर्वी आपले कपडे मोटार सायकलीच्या चाकात अडकणार नाहीत याची काळजी घ्यावली. साडी किंवा ओढणी घट्ट अंगाभोवती बांधून घ्यावी , साडीचा पदर लटकता हवेत सोडू नये असे आवाहन ट्रॅफीक पोलिसांनी केले आहे.