मेट्रो स्टेशनच्या लिफ्टमध्ये किसिंग, व्हिडीओ लिक

मेट्रो स्टेशनच्या लिफ्टमध्ये किस करणाऱ्या जोडप्यांचे व्हिडीओ सध्या सोशल मीडियावर व्हायरल झाले आहेत. ही घटना हैदराबादच्या मेट्रो स्टेशनची असल्याचं बोललं जात आहे. गेल्या 24 तासात कमीत कमी तीन व्हिडीओ लिक झाले आहेत. हे तीनही व्हिडीओ हैदराबाद मेट्रो स्टेशनच्या लिफ्टमधील आहेत. याआधीही प्रेमी युगलांच्या मेट्रो स्टेशनवरील काही व्हिडीओ लिक झाल्याचे समोर आले होते.

हे व्हिडीओ कंट्रोल रुममधून घेण्यात आल्या आहेत. या घटनेची चौकशी करण्याचे आदेशही देण्यात आले आहेत. हैदराबादच्या मेट्रो रेल्वे लिमिटेडच्या एका प्रवक्त्याने हे व्हिडीओ लिक झाल्याचे स्पष्टीकरण दिले आहे.

मेट्रोचे प्रवक्ते म्हणाले, लिक झालेल्या व्हिडीओची चौकशी केली जात आहे. तसेच पुन्हा असे प्रकार घडू नये यासाठी योग्य ते पाऊल उचललं जाणार आहे. मेट्रोच्या लिफ्टमध्ये सीसीटीव्ही कॅमेरे लावण्यात आले आहेत.

लिक झालेल्या व्हिडीओमधील जोडप्यांना कॅमेरा असल्याचे माहित नाही. मात्र इतर व्हिडीओमधील जोडप्यांना कॅमेरा आहे याची कल्पना आहे. मेट्रोवरील लिफ्ट अंपग आणि वृद्ध लोकांसाठी असते. मात्र तिचा वापर सध्या प्रेमी युगलांकूडन करण्यात येत आहे.