शिंदेगटातील 22 आमदार नाराज म्हणणं म्हणजे मुंगेरीलाल के हसीन सपने!, अब्दुल सत्तार यांची खोचक टीका

औरंगाबाद : आजच्या सामनाच्या रोखठोक या सदरातून शिंदेगटातील आमदार नाराज असल्याचं म्हणण्यात आलं आहे. शिंदे गटातील 22 आमदार नाराज आहेत, असं आजच्या सामनात म्हणण्यात आलं आहे. त्यावर कृषीमंत्री अब्दुल सत्तार यांनी भाष्य केलंय. शिंदे गटातील 22 आमदार नाराज म्हणणं म्हणजे मुंगेरीलाल के हसीन सपने आहेत, असं सत्तार (Abdul Sattar) म्हणालेत. तसंच उद्धव ठाकरेंच्या (Uddhav Thackeray) औरंगाबाद दौऱ्यावरही टीका केली आहे.

22 आमदार नाराज हे मुंगेरीलाल के सपने आहेत. ते कधी खरे होत नाहीत. हे लोक गणपतीला आठवत बसले आहेत. कधीतरी हे 22 आमदार नाराज होतील. यांच्या पोटात जो पोटशूळ उठलेला आहे. तो कमी होईल, असं सत्तार म्हणालेत. त्यांच्याकडे जे उरलेले 15 आमदार आहेत. ते सांभाळले तरी फार झालं. त्यांनी आपले आमदार सांभाळावेत, असं सत्तार यांनी म्हटलं आहे.

सत्तार यांची उद्धव ठाकरे यांच्या दौऱ्यावर प्रतिक्रिया

निश्चितपणे उद्धव ठाकरे यांनी दौरा केला पाहिजे. शेतकऱ्यांना त्यांच्या शिवसेनेकडून मदत पण द्यायला हवी. परंतु जर केवळ राजकारण करण्यासाठी येत असतील तर याला जनता माफ करणार नाही. आगामी जिल्हा परिषद महापालिकेत शेतकरी यांना उत्तर देतील, असं सत्तार म्हणालेत.

उद्धव ठाकरेंनी निश्चितपणे रस्त्यावर उतरले पाहिजे. कारण त्यांच्यावर आता रस्त्यावर उतरण्याची पाळी आलीय. पूर्वी ज्यावेळी रस्त्यावर यायला पाहिजे होते. शेतकरी गोरगरिबांना मदत करायला हवी होती ती न केल्याने ही वेळ आली. शिवसेनेकडील 55 आमदारांची फौज होती. त्यापैकी 40 आमदार शिंदेगटात आहेत. उद्धव ठाकरेंकडे फक्त 15 आमदार राहिलेत. हे लोक आपल्याला सोडून का गेले याचं त्यांनी चिंतन करायला हवं, असं अब्दुल सत्तार म्हणालेत.