ठेव फोन…. मंत्री गिरीश महाजनांच्या नावानं फोन कॉलची ऑडिओ क्लिप व्हायरल

मुंबई : मंत्री गिरीश महाजनांच्या नावानं एका फोन कॉलची ऑडिओ क्लिप व्हायरल झाली आहे. एका तरुणानं नोकरी भरती विषयी मंत्री गिरीश महाजनांना फोन केल्याचा दावा या ऑडिओ क्लिपमध्ये करण्यात आला आहे. या संदर्भात मंत्री गिरीश महाजन यांची कोणतीही प्रतिक्रिया आलेली नाही.

या व्हायरल फोन कॉलच्या ऑडिओ क्लिपमध्ये गिरीश महाजनांनी उर्मटपणे उत्तर दिल्याचा आरोप होत आहे. मात्र, ही व्हायरल क्लिप अर्धवट आहे.

फोन मधील संभाषमानुसार समोरचा तरुण नोकरी भरतीबद्दल नेमका कोणता मुद्दा मांडत होता. हे सुद्धा अस्पष्ट आहे.

मात्र, गिरीश महाजन यांच्यासह फोनवर बोलणारा व्यक्ती कोणत्यातरी फाईल बद्दल बोलत असल्याचे समजते. मुलं डिप्रेशन मध्ये असल्याचे या व्यक्ती गिरीश महाजन यांना सांगत असल्याचा दावा केला जातोय.

तुम्हाला काही काम नाहीत का? दिवसभरातून 500 फोन लावता. ती फाईल मी रद्द केली ठेव फोन असं गिरीश महाजन यांनी म्हंटल्याचा दावा या क्लिपबाबात केला जात आहे.