“डेंजरपणे हिशेब चुकते करण्याची खडसेंची ख्याती, गिरीश महाजनांना थेट आव्हान”

खडसे यांच्या राष्ट्रवादी प्रवेशामुळे भाजपला जळगावात मोठं खिंडार पडणार असून विरोधी पक्षनेते देवेंद्र फडणवीस यांच्यासोबत जळगावचे भाजपचे नेते गिरीश महाजन यांच्यासाठी हा मोठा धक्का असणार आहे.

डेंजरपणे हिशेब चुकते करण्याची खडसेंची ख्याती, गिरीश महाजनांना थेट आव्हान
Follow us
| Updated on: Oct 22, 2020 | 11:36 AM

जळगाव : भाजपचे नाराज नेते एकनाथ खडसे यांच्या राष्ट्रवादी प्रवेशावर अखेर शिक्कामोर्तब झाला आहे. यासाठी राष्ट्रवादीचे प्रदेशाध्यक्ष जयंत पाटील यासंबंधी अधिकृत घोषणा करणार असल्याची माहिती आहे. खडसे यांच्या राष्ट्रवादी प्रवेशामुळे भाजपला जळगावात मोठं खिंडार पडणार असून विरोधी पक्षनेते देवेंद्र फडणवीस यांच्यासोबत जळगावचे भाजपचे नेते गिरीश महाजन यांच्यासाठी हा मोठा धक्का असणार आहे. (Eknath Khadse NCP joining is challenge to Girish Mahajan in Jalgaon)

खरंतर, भाजपने गिरीश महाजनांना जाणीवपूर्वक मोठ केलं. यासाठी त्यांनी खडसेंना मागे सारत त्यांची प्रतिमा वाढवली. भाजपची सत्ता असताना महाजन यांना संकटमोचक असंही म्हटलं जाऊ लागलं. इतकंच नाही तर त्यांच्या नावाची चर्चा उपमुख्यमंत्रीपदापर्यंतही गेली होती. मात्र, ज्यांना संकटमोचक म्हटलं गेलं त्यांना त्यांच्याच जिल्ह्यात अडकून राहावं लागेल. कारण, डेंजरपणे हिशेब चुकते करण्याची खडसेंची ख्याती आहे. त्यामुळे आता खडसेंच्या भाजप घटस्फोटानंतर गिरीश महाजन यांना थेट आव्हान असणार आहे, अशी प्रतिक्रिया जळगावातील ज्येष्ठ पत्रकार शेखर पाटील यांनी टीव्ही 9 मराठीला दिली.

काँग्रेसला बिहार निवडणुका संपण्याची प्रतीक्षा, मोठ्या बदलाचे संकेत

खरंतर, भाजपची सत्ता गेल्याने अनेक नेत्यांमध्ये नाराजी आहे. अशात मुख्यमंत्री असताना देवेंद्र फडणवीसांनी पक्षात अनेक नेत्यांना नाराज केलं. त्यामुळे आता खडसेंच्या जाण्यामुळे इतर नेत्यांनादेखील बळ मिळणार आहे. (Eknath Khadse NCP joining is challenge to Girish Mahajan in Jalgaon)

येत्या शुक्रवारी दुपारी दोन वाजता एकनाथ खडसे राष्ट्रवादीत प्रवेश करण्याची माहिती सूत्रांनी दिली आहे. त्याआधी ते भाजपचा राजीनामा देऊन सर्व पदे सोडणार आहेत. राष्ट्रवादी प्रवेशाचा घटस्थापनेचा मुहूर्त चुकल्यानंतर आता त्यांनी राजकीय सीमोल्लंघनासाठी नवी वेळ निश्चित केली आहे. खडसे यांच्या गोटात त्यादृष्टीने हालचालाही सुरु झाल्या आहेत. त्यासाठी खडसे समर्थकांना गुरुवारी मुंबईत जमण्याच्या सूचना देण्यात आल्याचे समजते.

कांद्याचे दर वाढले म्हणून बोंबलू नका, परवडत नसेल तर लसूण, मुळा खा : बच्चू कडू

एकनाथ खडसे यांना कृषी, जलसंपदा किंवा गृहनिर्माण? राष्ट्रवादी काँग्रेसकडून विधान परिषदेच्या राज्यपाल नियुक्त जागांवर खडसेंची वर्णी लावली जाण्याची शक्यता आहे. त्यानंतर खडसे यांना गृहनिर्माण, जलसंपदा किंवा कृषी अशा मोठ्या खात्याची जबाबदारी मिळण्याची चर्चा आता जोर धरु लागली आहे. दरम्यान, गृहनिर्माण खातं सध्या जितेंद्र आव्हाड तर जलसंपदा खातं जयंत पाटील यांच्याकडे आहे. आव्हाड आणि पाटील हे दोघेही राष्ट्रवादीच्या पहिल्या फळीतील नेते आहेत. अशावेळी त्यांच्याकडून मोठ्या खात्याची जबाबदारी काढून ती भाजपमधून येणाऱ्या खडसेंना दिली जाणार का? असा प्रश्नही दबक्या आवाजात विचारला जात आहे.

(Eknath Khadse NCP joining is challenge to Girish Mahajan in Jalgaon)

Non Stop LIVE Update
मविआ 48 जागा लढणार आणि त्या जिंकणार, संजय राऊत यांचा आत्मविश्वास
मविआ 48 जागा लढणार आणि त्या जिंकणार, संजय राऊत यांचा आत्मविश्वास.
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?
काँग्रेसच्या 5 जागी मैत्रीपूर्ण लढती ? कोणत्या जागांवर काँग्रेस ठाम?.
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?
आगे आगे देखो..., अंबादास दानवे यांचा उल्लेख करत काय केलं सूचक वक्तव्य?.
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप
संजय राऊत आघाडीत बिघाडी करीत आहेत, प्रकाश आंबेडकर यांचा थेट आरोप.
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले
प्रकाश आंबेडकर यांची मोठी रणनिती, नव्या आघाडीबद्दल दिले संकेत; म्हणाले.
उदयनराजे यांच्या विरोधात पवार कोणाला देणार तिकीट ? काय म्हणाले पवार ?
उदयनराजे यांच्या विरोधात पवार कोणाला देणार तिकीट ? काय म्हणाले पवार ?.
वसंत मोरे वंचितच्या तिकिटावर लोकसभा निवडणूक लढणार?
वसंत मोरे वंचितच्या तिकिटावर लोकसभा निवडणूक लढणार?.
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?
'अजित पवार गट फ्रॉड 420 गँग, फार काळ सत्तेत...', कुणाची खोचक टीका?.
आता नाही तर कधी ? हातकणंगलेतून लढण्याचा राहुल आवाडे यांचा निर्धार
आता नाही तर कधी ? हातकणंगलेतून लढण्याचा राहुल आवाडे यांचा निर्धार.
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ
मराठा समाजाच्या बैठकीत हाणामारी, लाथा-बुक्क्यांनी मारहाण; बघा व्हिडीओ.