AMC Election 2022: अकोला महापालिकेवर भाजपची सत्ता, प्रभाग क्र. 7 मध्ये काँग्रेसचं वर्चस्व, यंदा काय होणार?

यावर्षी महापालिकांच्या निवडणुका होऊ घातल्या आहेत. अकोला महापालिकेचीही या वर्षी निवडणूक होणार आहे. प्रभाग क्रमांक 7 मधील तीन नगरसेवक हे काँग्रेसचे तर एक अपक्ष आहे. यंदा या प्रभागात काय होणार हे पाहणं महत्वाचं असेल.

आयेशा सय्यद | Updated on: Aug 16, 2022 | 7:10 AM

अकोला : यावर्षी महापालिकांच्या निवडणुका होऊ घातल्या आहेत. अकोला महापालिकेचीही (AMC Election 2022) या वर्षी निवडणूक होणार आहे. अकोल्यातील लोकसंख्या 18,18,617 एवढी आहे. त्यात पुरुषांची लोकसंख्या 9,36,226 एवढी असून महिलांची लोकसंख्या 8,82,391 इतकी आहे. अकोला महापालिकेत (Akola Municipal Corporation Election 2022) एकूण 91 जागा आहेत. त्यापैकी 46 जागा महिलांसाठी राखीव आहेत. 15 जागा अनुसूचित जातीसाठी आणि दोन जागा अनुसूचित जमातीसाठी राखीव आहेत. महापालिकेच्या एकूण 30 प्रभागातून 91 नगरसेवक निवडून द्यावे लागणार आहे. तर 29 प्रभागातून तीन तर एका प्रभागातून चार नगरसेवक निवडून दिले जाणार आहेत. अकोला महापालिकेत भाजपची सत्ता आहे. प्रभाग क्रमांक 7 मधील तीन नगरसेवक हे काँग्रेसचे तर एक अपक्ष आहे. यंदा या प्रभागात काय होणार हे पाहणं महत्वाचं असेल.

व्याप्ती

अष्टविनायक नगर, वृंदावन नगर दत्तवाडी, स्टेट बँक कॉलनी, लहान उमरी, खेडकर नगर, मोरेश्वर कॉलनी, गजानन पेठ, राऊत वाडी, सावंतवाडी भागात हा प्रभाग पसरलेला आहे.

उत्तर- बारा ज्योतीलिंग मंदिराकडून येणारा रस्ता व उमरी रस्त्याचे संगमापासून (सम्राट बार) उमरी रस्त्याने पूर्वेकडे खंडवा हिंगोली रेल्वेलाईनचे संगमापर्यंत.

पूर्व- उमरी रस्ता व खंडवा हिंगोली रेल्वेलाईन यांच्या संगमापासून दक्षिणेकडे खंडवा हिंगोली रेल्वेलाईनने संताजी नगर कडून येणा-या रस्त्याचे संगमापर्यंत.

दक्षिण- खंडवा हिंगोली रेल्वे लाईन व संताजीनगर रस्ता यांच्या संगमापासून पश्चिमेकडे रस्त्याने जिजाऊवाडा अपार्टमेंट पर्यंत पूढे पश्चिमेकडे रस्त्याने श्री पंकज पटेल यांच्या घरापर्यंत पूढे रस्त्याने श्री गजानन मानकर यांच्या घरापर्यंत पूढे पश्चिमेकडे डॉ. एस. एन. पाटील यांचे घरापर्यंत पूढे उत्तरेकडे रणपिसेनगर रस्त्यापर्यंत (इंद्रजित देशमुख यांचे घर) तेथून पुढे पश्चिमेकडे रणपिसे नगर रस्त्याने अरिहंत एज्युकेशन इन्स्टीट्यूट ऑफ सायन्स, अकोला पर्यंत.

पश्चिम – अरिहंत एज्युकेशन इन्स्टीट्यूट ऑफ सायन्स अकोला पासून पश्चिमेकडे संतोष सलुन पर्यंत तेथून पुढे संतोष सलुनचे पश्चिमेकडील रस्त्याने उत्तरेकडे श्री सुरेश निळकंठराव