NMC Election 2022: नाशिक महानगरपालिकेच्या प्रभाग क्र. 19 चित्र बदलणार? भाजप बाजी मारण्याच्या तयारीत…

नाशिकः राज्यातील सत्तनाट्यानंतर आणि शिंदे-फडणवीस सरकार (Shinde-Fadnavis Sarkar) सत्तेत आल्यानंतर आता राज्यातील महानगरपालिकांच्या निवडणुकांचे पडघम वाजू लागले आहेत. त्यामुळे राज्यातील पक्षांनी आता मोर्चेबांधणीला सुरूवात केली आहे. नाशिक महानगरपालिकेची (Nashik Municipal Corporation) ही सातवी पंचवार्षिक सार्वत्रिक निवडणूक होत असून नाशिकमधील 44 प्रभागांसाठी ही निवडणूक होत आहे. त्यामुळे सत्ताधारी भाजपसह नाशिकमधील इतर पक्षही जोरदारपणे कामाला लागले आहेत. यावेळी राज्यातील सत्तासंघर्षाच्या सत्तांतराचा परिणाम नाशिक महानगरपालिकेवर दिसणार की नाही हे येणारा काळच ठरविणार आहे. त्यामुळे राज्यातील प्रादेशिक पक्षांसह केंद्रात सत्तेत असणारा आणि राज्यात शिंदे गट शिवसेना-भाजपचा पक्षही जय्यत तयारीला लागला आहे. कारण भाजपला सत्ता कायम ठेवण्यासाठी म्हणून आतापासूनच तयारीला लागले आहेत. मात्र येणाऱ्या काळात शिवसेनेच्या बंडखोरी नाट्याचा नाशिक महानगरपालिकेवर काय परिणाम होणार ते आता येणारा काळच ठरवणार आहे. नाशिक महानगरपालिकेच्या प्रभाग क्र. 19 (ward 19) मध्येही शिवसेना, भाजप, राष्ट्रवादी, काँग्रेस आणि मनसे पक्षांनी आतापासूनच जोरदार तयारी सुरू केली आहे.

आरक्षणामुळे कुठे संधी कुठे कसरत

नाशिक महानगरपालिकेच्या प्रभाग क्र. 19 मध्ये आरक्षण जाहीर झाले असून आता येथील प्रभागामध्ये सर्वसाधार महिला, सर्वसाधारण खुल्या गटासाठी दोन ठिकाणी आरक्षण जाहीर झाले आहे. त्यामुळे आगामी निवडणुकीत आरक्षणामुळे जुन्या नगरसेवकांना आपल्या अस्तित्वासाठी झगडावे लागणार आहे. आरक्षणामुळे नाशिक महानगरपालिकेतील जुन्या आणि नव्या उमेदवारांना कुठे संधी तर कुठे कसरत करावी लागणार आहे.

वॉर्ड कुठूनपासून कुठपर्यंत

नाशिक महानगरपालिकेच्या प्रभाग क्रमांक 19 मध्ये होळकर पुलापासून, दत्त मंदिर, यशवंतराव महाराज समाधी, पटांगण, बालाजी कोर्ट, रोकडोबा तालीम, मोदकेश्वर मंदिर, गाडगे महाराज धर्मशाळा, घेऊन टाळ कुठे पुलाजवळील टाळकुटी मंदिरापर्यंत उत्तर भागामध्ये हा परिसर येतो, तर पूर्व भागांमध्ये टाळकुटे पुलाजवळील टाळ कुठे मंदिरापासून दक्षिणेकडे अमरधाम रोडने पश्चिमेकडील भाग काजीगडी कुंभारवाडा फकिरा बाग झोपडपट्टी घेऊन शिवाजी चौकातील घेऊन साई टी स्टॉलपर्यंत तर दक्षिण चौकातील साई स्टॉलपासून आझाद चौकाकडे जाणाऱ्या रस्त्याने उत्तरेकडील पठाणपुरा परिसर घेऊन आझाद चौका पाव येतो,

पुढे उत्तरेकडील भाग घेऊन दंडे हनुमान चौकापर्यंत पुढे दंडे हनुमान चौकापासून उत्तरेकडे जाऊन पिंजर घाट रोड पर्यंत पुढे पश्चिमेकडे पिंजर घाट रोडने अब्दुल हमीद चौक दुध बाजार इकबाल हॉटेलपर्यंत आहे तर पश्चिम भागात हॉटेल इक्बाल पासून उत्तरेकडे जाणाऱ्या या मुख्य रस्त्याने पूर्वेकडील भाग घेऊन दामोदर थेटर चौकापर्यंत सरस्वती लेनने उत्तरेकडे चौक ओलांडून जी. एन. आडगावकर ज्वेलर्स पर्यंत तिथून पश्चिमेकडे भिकुसा लेनने प्रभागाच्या सीमा समाप्त होतात.