Motorola Edge 2022 झाला लाँच, पॉवरफुल प्रोसेसरसह 4 वर्षांपर्यंत मिळणार अपडेटस

Motorola Edge 2022: मोटोरोला कंपनीने (Motorola company) ग्राहकांसाठी बाजारात नवा स्मार्टफोन (new smartphone launched) लाँच केला आहे. Motorola Edge 2022 असे त्याचे नाव आहे. या स्मार्टफोनच्या विशेष फीचर्सबद्दल सांगायचे झाले तर या फोनमध्ये ॲंड्रॉईड 12 ऑपरेटिंग (android 12) सिस्टीम आहे. एवढंच नव्हे तर या स्मार्टफोनमध्ये 3 वर्षांपर्यंत ओएस अपडेट आणि 4 वर्षापर्यंत दर महिन्याला 2 वेळा सिक्युरिटी अपडेटस ( 4 years of updates) देण्यात येतील, असे कंपनीतर्फे सांगण्यात आले आहे. मोटोरोला एज 2022 हा फोन ग्राहकांसाठी काळ्या रंगात उपलब्ध असेल. मोटोरोला कंपनीच्या या नव्या फोनमध्ये फीचर्स काय आहेत आणि त्याची बाजारात किंमत (features and price) किती असेल, याची सविस्तर माहिती जाणून घेऊया.

डिस्प्ले : मोटोरोला एज 2022 हा फोन 144 हर्ट्स रिफ्रेश रेट सह 6.6 इंचांच्या फुल- एचडी प्लस (1080×2400 पिक्सल) ओलेड डिस्प्लेसह येतो. हा स्मार्टफोन एचडीआर 10 प्लसला सपोर्ट करतो.

प्रोसेसर : स्पीड आणि मल्टीटास्किंग यासाठी या स्मार्टफोनमध्ये मीडियाटेक डायमेंसिटी 1050 चिपसेटचा वापर करण्यात आला आहे.

सॉफ्टवेअर : हा नवा स्मार्टफोन ॲंड्रॉईड 12 वर आधारित माय युएक्स इंटरफेस सह काम करतो.

कॅमेरा सेन्सर : मोटोरोला एज 2022 या फोनच्या बॅक पॅनेलवर तीन रेअर कॅमेरे देण्यात आले आहेत. त्यामध्ये 50 मेगापिक्सेल प्रायमरी कॅमेरासह 13 मेगापिक्सेल अल्ट्रा-वाईट ॲंगल लेन्स आणि एक डेप्थ कॅमेरा सेन्सर असेल. सेल्फी व व्हिडीओ कॉलिंग सुविधेसाठी या फोनच्या पुढच्या बाजूस 32 मेगापिक्सेल कॅमेरा सेन्सर लावण्यात आला आहे.

कनेक्टिव्हिटी : या स्मार्टफोनमध्ये ड्युएल स्टीरिओ स्पीकर्स आहेत, तसेच तीन मायक्रोफोन्स देण्यात आले आहेत. तसेच या डिव्हाईसमध्ये एनएफसी सपोर्ट आणि ब्ल्यूटूथ व्हर्जन 5.2 देण्यात आले आहे.

बॅटरी क्षमता : या नव्या स्मार्टफोनमध्ये 30 वॉट टर्बोपॉवर वायर्ड चार्जिंग, 5 वॉट रिव्हर्स चार्जिंग और 15 वॉट वायरलेस चार्जिंग, यासह 5000 एमएएच बॅटरी देण्यात आली आहे.

डायमेन्शन : या फोनची लांबी – रुंदी 160.86×74.24×7.99 मिलीमीटर इतकी आहे. तर त्याचे वजन 170 ग्रॅम आहे.

किंमत : मोटोरोला एज 2022 या स्मार्टफोनची किंमत 499.99 डॉलर ( अंदाजे 40,000 रुपये) आहे. ग्राहकांसाठी हा स्मार्टफोन काळ्या रंगात उपलब्ध असेल.