महाराष्ट्राच्या राजकारणातील बाप पवारच; अमोल मिटकरींचा चंद्रकांत पाटलांवर पलटवार
पुणे महापालिकेतील सत्तेबाबत अजित पवारांना जर काही स्वप्न पडत असतील, तर यासंदर्भात ऊर्जा वायाला घालवू नका.
मुंबई: शरद पवार हेच महाराष्ट्राच्या राजकारणातील बाप आहेत. विधानसभा निवडणुकीनंतर शरद पवार यांनी भाजपच्या 105 आमदारांना घरी बसवले. तेव्हाच बाप कोण आहे, हे सिद्ध झाले, असे सांगत राष्ट्रवादीचे आमदार अमोल मिटकरी यांनी भाजपचे प्रदेशाध्यक्ष चंद्रकांत पाटलांना प्रत्युत्तर दिले. चंद्रकांत पाटील यांनी पुण्यातील एका कार्यक्रमात अजित पवार यांच्यावर टीकास्त्र सोडले होते. पुणे महापालिकेतील सत्तेबाबत अजित पवारांना जर काही स्वप्न पडत असतील, तर यासंदर्भात ऊर्जा वायाला घालवू नका. आम्ही पण तुमचे बाप आहोत, असे चंद्रकांत पाटील यांनी म्हटले होते. (Amol Mitkari hits back BJP Chandrakant Patil)
या टीकेला रविवारी राष्ट्रवादी काँग्रेसचे विधानपरिषदेतील आमदार अमोल मिटकरी यांनी प्रत्युत्तर दिले. काल भाजपाच्या एका महाशयाने, “आम्ही तुमचे बाप आहोत” असे वक्तव्य केले. त्यांच्या माहितीकरता 2019 चे विधानसभा निवडणूक निकाल जाहीर झाल्यावर 105 आमदारांना बेकार करून महाविकासआघाडी सरकार स्थापन करणारे तुमचे बाप कोण आहेत? हे संपूर्ण महाराष्ट्राला माहीत आहे. 2022 साली पुणे मनपात पुण्याची जनता अजितदादा पवार हे तुमचे बाप आहेत हे सिद्ध करून दाखवेल. काळजी करू नका, असे मिटकरी यांनी म्हटले. त्यामुळे आता राष्ट्रवादी काँग्रेस आणि भाजपमधील हे शाब्दिक युद्ध आणखी तीव्र होण्याची शक्यता आहे.
MPSC परीक्षा पुढे ढकलण्याचा निर्णय म्हणजे सरकारला उशीरा सुचलेलं शहाणपण : चंद्रकांत पाटील https://t.co/CacL1gu0qR@ChDadaPatil @OfficeofUT #MPSC #Marathareservation
— TV9 Marathi (@TV9Marathi) October 10, 2020
चंद्रकांत पाटलांनी अजित पवारांना का डिवचले? पुणे महानगरपालिकेच्या नुकत्याच झालेल्या प्रभाग समितीच्या निवडणुकीमध्ये भाजपने बाजी मारली होती. यामध्ये ११ प्रभाग समित्यांवर भाजप, चार समित्यांवर राष्ट्रवादी आणि एक प्रभाग समिती काँग्रेसच्या वाट्याला आली. या पार्श्वभूमीवर कोथरूडमधील कार्यक्रमात चंद्रकांत पाटील यांनी अजित पवारांना डिवचले होते. राज्यात सत्तेत आहात म्हणून तुम्ही पुणे महानगरपालिकेत सत्तेची स्वप्न पाहू नका. आम्हीही तुमचे बाप आहोत, असे चंद्रकांत पाटील यांनी म्हटले होते.
संबंधित बातम्या:
सत्तेची स्वप्न पाहू नका, आम्हीही तुमचे बाप आहोत; अजितदादांवर टीका करताना चंद्रकांतदादांची जीभ घसरली
(Amol Mitkari hits back BJP Chandrakant Patil)
