AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

पंजाबच्या मुख्यमंत्र्यांना विमानातून उतरवले विदेशात अन् राजकारण सुरु झाले देशात

मुख्यमंत्र्याच्या अशा कृत्यानंतरही पंजाब सरकारकडून काही बोलले जात नाही. याबाबत सरकार मौन बाळगून आहे. पक्षाचे प्रमुख अरविंद केजरीवाल यांनी याबाबत स्पष्टीकरण द्यावे अशी मागणी आहे.

पंजाबच्या मुख्यमंत्र्यांना विमानातून उतरवले विदेशात अन् राजकारण सुरु झाले देशात
पंजाबचे मुख्यमंत्री भगवंत मान
राजेंद्र खराडे
राजेंद्र खराडे | Updated on: Sep 19, 2022 | 4:37 PM
Share

दिल्ली : पंजाबचे (CM Bhgwant Man) मुख्यमंत्री भगवंत मान हे अबोल असले तरी सातत्याने चर्चेत राहिलेले आहेत. यापूर्वीही सभागृहातच ते (Drunk) मद्यधुंद होऊन आल्याचा आरोप विरोधकांनी केला होता. आताही चर्चेत येण्याचे कारणही तेच आहे. भगवंत मान हे नुकतेच (Germany) जर्मनीला गेले होते. त्यांना लुफ्तान्सा एअरलाइन्समधून उतरविण्यात आल्याचा दावा शिरोमणी अकाली दलाचे सुखबीरसिंग बादल यांनी केला आहे. मुख्यमंत्री मान यांना एका जागी उभेही राहता येत नव्हते. शिवाय त्यांच्या या कृत्यामुळे विमानाला तब्बल 4 तास उशिर झाल्याचा दावा बादल यांनी केला आहे.

पंजाबचे मुख्यमंत्री भगवंत मान हे काही दिवसांपूर्वी जर्मनीला गेले होते. दरम्यान, लुफ्तान्सा एअरलाइन्समधून त्यांना खाली उतरवण्यात आले होते. यामागचे नेमके कारण काय याबाबत मीडिया रिपोर्ट्सचा हवाला देत बादल यांनी ते मद्यधुंद असल्याचे सांगितले आहे.

सुखबीरसिंग बादल यांच्या दाव्यानुसार हा प्रकार जर्मनी येथे झालेला आहे. मान यांना अशाप्रकारे विमानातून उतरवणे म्हणजे अपमानास्पद आहे. त्यांच्या या कृत्यामुळे पंजाबकडे पाहण्याचा दृष्टीकोन बदलू शकतो. यावरुन आता पंजाब सरकार विरोधात आवाज उठवला जात आहे.

मुख्यमंत्र्याच्या अशा कृत्यानंतरही पंजाब सरकारकडून काही बोलले जात नाही. याबाबत सरकार मौन बाळगून आहे. पक्षाचे प्रमुख अरविंद केजरीवाल यांनी याबाबत स्पष्टीकरण द्यावे आणि असे झाले असेल तर हा मुद्दा जर्मन समकक्षांकडे नेला पाहिजे असेही मत बादल यांनी व्यक्त केले आहे.

शिरोमणी अकाली दलाचे सुखबीरसिंग बादल यांच्या आरोपानंतर आता इतर पक्षांकडूनही आपवर सवाल उपस्थित केले जात आहेत. मुख्यमंत्र्यांच्या अशा वागण्यामुळे राज्याची प्रतिमा मलीन होईल, त्यामुळे ठोस पाऊल उचलावे अशी मागणी होत आहे.

तर दुसरीकडे पंजाबचे विरोधी पक्षनेते प्रतापसिंग बाजवा यांनी याबाबत चौकशी करण्याची मागणी केली आहे. अहवालाचा हवाला देत त्यांनी म्हटले आहे की, फ्रँकफर्टमध्ये मान यांना उतरविण्यात आले होते. ते प्रवास करण्याच्या स्थितीमध्ये नव्हते. आता याचे कारणही जाहीर करावे अशी मागणी आहे.

मान यांच्या कृत्यानंतर आता भाजपानेही आरोप करण्यास सुरवात केली आहे. मान यांनी परदेशात नव्हे तर देशात दारु पिणार नाही असे आश्वासन दिल्याचे सांगत भाजपाचे खा. परवेश वर्मा यांनी बोचरी टीका केली आहे.

मात्र, मुख्यमंत्री हे वेळेनुसार दिल्लीमध्ये परतले आहेत. विरोधकांकडून करण्यात येणारे आरोप हे बिनबुडाचे असून त्यामध्ये काही तथ्य नसल्याचे आपचे प्रवक्ते मालविंदरसिंग कांग यांनी सांगितले आहे. मान हे 18 सप्टेंबर रोजी जर्मनीहून निघाले आणि 19 सप्टेंबरला दिल्लीत पोहचले असल्याचे ते म्हणाले आहेत.

तर फ्रँकफर्टहून दिल्लीला जाणारे विमान हे बदलले गेल्याने त्याला उशिर झाल्याचे लुफ्तांसा एअरलाइन्सने सांगितले आहे. तर इतर कोणतीही माहिती देण्यास कंपनीने टाळाटाळ केली.

Follow Us
पुण्यात अजितदादांच्या पुतळ्याचे अनावरण; सुनेत्रा पवार भावुक...
Sunetra Pawar : पुण्यात अजितदादांच्या पुतळ्याचे अनावरण; सुनेत्रा पवार भावुक
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पह
लातूर बँक निवडणुकीत धीरज देशमुखांचा दबदबा! 19 पैकी 19 जागांचा निकाल पहा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा...
मुलगी नताशाच्या वक्तव्यावर जितेंद्र आव्हाड ठाम भूमिका; शरद पवारांचा उल्लेख करत म्हणाले...
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!