AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Shivsena : पुण्यात शिवसेनेला भगदाड! नगरमध्येही परिस्थिती ढासळली; श्रीरंग बारणे, सदाशिव लोखंडे शिंदे गटात सामील

पिंपरी चिंचवड, मावळ आणि पनवेल, उरण, खालापूर या भागांचा समावेळ असलेल्या मावळ लोकसभा मतदारसंघाचे प्रतिनिधित्व श्रीरंग बारणे करतात. अहमदनगरच्या जामखेड तालुक्यातील दिघोळचे लोखंडे 2014ला भाजपातून शिवसेनेत आले.

Shivsena : पुण्यात शिवसेनेला भगदाड! नगरमध्येही परिस्थिती ढासळली; श्रीरंग बारणे, सदाशिव लोखंडे शिंदे गटात सामील
श्रीरंग बारणे/सदाशिव लोखंडेImage Credit source: tv9
Pradeep Garad
Pradeep Garad | Updated on: Jul 19, 2022 | 9:16 PM
Share

पुणे : पुणे जिल्ह्यात शिवसेना (Shivsena) पक्षाला खिंडार पडले आहे. शिवसेनेचे दोन दिग्गज नेते शिंदे गटात सामील झाले आहेत. शिवसेनेचे जिल्ह्यातील चार जिल्हाप्रमुखांपैकी दोन जिल्हा प्रमुख शिंदे गटात सामील झाले आहेत. मावळचे खासदार श्रीरंग बारणे (Shrirang Barne) तर शिरूरचे माजी खासदार शिवाजीराव आढळराव पाटील हे शिंदे गटात सहभागी झाले आहेत. त्याबरोबरच जिल्हाप्रमुख शरद सोनवणे आणि रमेश कोंडे हेदेखील शिंदे गटात सामील झाले आहेत. पुणे जिल्ह्यात एकीकडे अशी स्थिती असताना अहमदनगरमध्येही काहीशी अशीच स्थिती निर्माण झाली आहे. शिर्डीचे शिवसेनेचे खासदार सदाशिव लोखंडे (Sadashiv Lokhande) शिंदे गटात सामील होणार असल्याची चर्चा आहे. त्यामुळे त्यांच्या अहमदनगर जिल्ह्यातील बेलापूर येथील कार्यालय आणि निवासस्थानी पोलीस बंदोबस्त तैनात करण्यात आला आहे.

पुण्यातील स्थिती काय?

पिंपरी चिंचवड, मावळ आणि पनवेल, उरण, खालापूर या भागांचा समावेळ असलेल्या मावळ लोकसभा मतदारसंघाचे प्रतिनिधित्व श्रीरंग बारणे करतात. खासदार बारणे हे सलग दोनवेळा मावळ लोकसभा मतदारसंघातून निवडून आले आहेत. पिंपरी चिंचवडमध्ये बारणे यांची राजकीय ताकद आहे. त्यांचे पुतणे नगरसेवक राहिलेले आहेत. तर त्यांचा मुलगा विश्वजीत हे पिंपरी चिंचवड शहर युवासेना प्रमुख आहेत. श्रीरंग बारणे यांना पिंपरीचे माजी आमदार गौतम चाबुकस्वार, आकुर्डीतील माजी नगरसेवक प्रमोद कुटे, वाकड भागातील नगरसेविका रेखा दर्शिले, महिला संघटिका उर्मिला काळभोर, माजी शहरप्रमुख योगेश बाबर आदींचे समर्थन आहे. त्यामुळे शिवसेनेला मोठे खिंडार पडण्याची शक्यता आहे.

शिर्डीतही सेनेला भगदाड?

शिर्डीचे शिवसेनेचे खासदार सदाशिव लोखंडेहेदेखील शिंदे गटात सामील होणार असल्याच्या चर्चा सुरू आहेत. आपण भाजपासोबत जावे, अशी भूमिका खासदार लोखंडे यांनी सातत्याने उद्धव ठाकरेंकडे मांडली होती. मात्र शिवसेनेने काँग्रेस-राष्ट्रवादीची साथ न सोडल्याने खासदारच उद्धव ठाकरे यांची साथ सोडून शिंदे गटासोबत भाजपाला समर्थन करत आहेत. या पार्श्वभूमीवर त्यांच्या अहमदनगर जिल्ह्यातील बेलापूर येथील कार्यालय आणि निवासस्थानी पोलीस बंदोबस्त तैनात करण्यात आला आहे. अहमदनगरच्या जामखेड तालुक्यातील दिघोळचे लोखंडे 2014ला भाजपातून शिवसेनेत आले. त्याचवेळी 2014 आणि 2019 असे सलग दोन वेळा शिर्डी लोकसभा मतदार संघातून खासदार म्हणून ते निवडून आलेले आहेत. आता ते भाजपाला समर्थन करत असल्यामुळे शिवसेनेच्या अडचणी वाढणार असल्याचे बोलले जात आहे.

Follow Us
नाशिक महापालिकेतील स्वीकृत नगरसेवक निवडीवरून भाजपत वादंग....
Nashik : नाशिक महापालिकेतील स्वीकृत नगरसेवक निवडीवरून भाजपत वादंग; नेमकं काय घडलं?
सरकारने करसवलती दिल्या, आता उद्योजकांनी काय केलं? पंतप्रधान मोदींनी...
PM Modi : सरकारने करसवलती दिल्या, आता उद्योजकांनी काय केलं? पंतप्रधान मोदींनी FICCIच्या व्यासपीठावरून सुनावलं
लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर
Gold Silver Price Today : लग्नसराईत दागिने खरेदी करणाऱ्यांसाठी आनंदाची बातमी; सोन्या-चांदीचे दर अचानक घसरले...
पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल....
Nagpur : पाच एकरांतील मोसंबीची बाग जेसीबीने उपटली, दुष्काळापुढे शेतकरी हतबल; नागपुरातील विदारक वास्तव आलं समोर
सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची....
Solapur : सैराटमधील आर्ची-परश्याच्या गाजलेल्या विहिरीने गाठला तळ; 50 फुटांची विहीर कोरडीठाक सोलापुरातील दुष्काळाचं भीषण वास्तव समोर
व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली
Pune Laxmi Road : व्यापाऱ्यांच्या इशाऱ्यानंतर लक्ष्मी रस्त्यावरील अतिक्रमण कारवाई थांबली; पुणे बंदचा इशारा ठरला प्रभावी
सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
Shivendraraje Bhosale : सातारा जिल्हा बँकेच्या निवडीवरून महायुतीत मतभेद? सूचना देऊनही निर्णय वेगळा घेतला; शिवेंद्रराजे भोसले नेमकं काय म्हणाले?
महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकलल
Maharashtra Epstein Files : महाराष्ट्र एपस्टीन फाईल्स चित्रपटाचा वाद कोर्टात; प्रदर्शनही पुढे ढकललं
सातारा जिल्हा बँकेच्या निवडणुकीवरून महायुतीत नाराजी? बावनकुळेंनी....
Chandrashekhar Bawankule : सातारा जिल्हा बँकेच्या निवडणुकीवरून महायुतीत नाराजी? चंद्रशेखर बावनकुळेंनी स्पष्टच सांगितलं, म्हणाले?
प्रभादेवीतील संत रोहिदास चाळीवरील कारवाई थांबली; एकनाथ शिंदेंच्या....
Prabhadevi : प्रभादेवीतील संत रोहिदास चाळीवरील कारवाई थांबली; उपमुख्यमंत्री एकनाथ शिंदेंच्या मध्यस्थीनंतर रेल्वे प्रशासनाचा निर्णय