BJP Polkhol Abhiyan : ‘ऊठ मुंबईकर ऊठ, उघड तुझी मुठ आणि थांबव शिवसेनेची लूट’, मुंबई महापालिकेसाठी मुनगंटीवारांचा नारा, शिवसेनेवर हल्लाबोल

मुंबई : महापालिका निवडणुकीच्या पार्श्वभूमीवर भाजपकडून पोलखोल अभियानाला सुरुवात करण्यात आलीय. मुंबईत विविध भागात भाजप नेत्यांकडून सभेचं आयोजन करण्यात येत आहे. मुंबई महापालिकेतील (Mumbai Municipal Corporation) भ्रष्टाचाराच्या मुद्द्यावरुन शिवसेनेवर जोरदार हल्ला चढवण्यात येत आहे. भाजप आमदार अतुल भातखळकर (Atul Bhatkhalkar) यांच्या नेतृत्वात कांदिवलीत पोलखोल सभेचं आयोजन करण्यात आलं होतं. त्यावेळी माजी अर्थमंत्री सुधीर मुनगंटीवार (Sudhir Mungantiwar) यांनी भ्रष्टाचाराच्या मुद्द्यावरुन शिवसेनेवर जोरदार हल्ला चढवलाय. ऑलिम्पिकमध्ये अनेकजण अनेक पदकं जिंकत असतात. भ्रष्टाचाराच्या ऑलिम्पिकमध्ये शिवसेनेला गोल्ड मेडल मिळेल, असा टोला मुनगंटीवारांनी लगावलाय. इतकंच नाही तर ‘ऊठ मुंबईकर ऊठ, उघड तुझी मुठ आणि थांबव शिवसेनेची लूट’ असा नवा नाराच मुंनगंटीवार यांनी दिलाय.

सुधीर मुनगंटीवार म्हणाले की, इंग्रजांची वृत्ती ही सोशन करण्याची होती. पण काही लोक चले गये आणि काही लोक राहिले आहेत. ऑलिम्पिकमध्ये अनेकजण अनेक पदकं जिंकत असतात. भ्रष्टाचाराच्या ऑलिम्पिकमध्ये शिवसेनेला गोल्ड मेडल मिळेल. बीएमसीच्या इमारतीत अशी फाईल दाखवा ज्या फाईलमध्ये पैसे खाल्ले गेले नाहीत. बाळासाहेब ठाकरेंची शिवसेना होती पण आताची शिवसेना ही नोटांवर चालले. मी शिवसैनिकांना आवाहन करतो बाळासाहेबांची 24 कॅरेटची शिवसेना संपली आहे. आता शिवसेना काँग्रेसच्या विचारांनी पुढे जातेय, अशी टीका मुनगंटीवार यांनी केलीय.

शिवसेनेसोबत भविष्यातही दोस्ती नाही- मुनगंटीवार

मुंबईत भ्रष्टाचाराशिवाय काही सुरु आहे का? पेंग्विन, रस्ते काय काय चाललंय. पालिकेचं बजेट कुणाच्या बापाचं नाही. यह पेंग्विनवालोंका पैसा नहीं है. असा कोणता विषय नाही ज्यात सरकारनं पैसे खाल्ले नाहीत. मुंबईच्या रस्त्यांवर गाडी सायलेंट मोडवर चालत नाही तर व्हायब्रंट मोडवर चालते. चिऊ ताई चिऊ ताई दार उघड ….पण कधी दार उघडलं नाहीच. तसंच फाईलींचं आहे. पैसै दिल्याशिवाय फाईल वर जातच नाही, असा आरोपही मुनगंटीवार यांनी केलाय. इतकंच नाही तर उद्धव ठाकरेंच्या शिवसेनेसोबत आमची दोस्ती नाही. भविष्यात यांच्याशी दोस्ती होणार नाही, असा दावाही मुनगंटीवार यांनी केला आहे.

अतुल भातखळकरांचाही घणाघात

भाजप आमदार अतुल भातखळकर यांनीही शिवसेना आणि महाविकास आघाडीवर हल्लाबोल केलाय. आम्ही कुणाला छेडणार नाही. पण आम्हाला जर कुणी छेडलं नाही तर आम्ही सोडणार नाही. आम्हाला लोकांचे प्रश्न मांडायला तुम्ही निवडून दिलं आहे. आम्ही प्रश्न मांडत राहणार. मुंबई महापालिकेत मोठा भ्रष्टाचार सुरु आहे, असा आरोप त्यांनी केलाय.

????? *Watch Live Now:*

*मुंबई महानगरपालिकेच्या भ्रष्टाचाराची पोलखोल करण्यासाठी माजी अर्थमंत्री आ. सुधीर मुनगंटीवार व आ. अतुल भातखळकर यांच्या प्रमुख उपस्थितित भव्य सभा.*https://t.co/83ofjG7ml0https://t.co/ijG8hZO67bhttps://t.co/elpPwXxH6F

— Atul Bhatkhalkar (@BhatkhalkarA) April 19, 2022

इतर बातम्या :

Ganesh Naik : गणेश नाईकांचा पोलिसांकडून शोध सुरु, अटकेची टांगती तलवार! सूत्रांची माहिती

Yashomati Thakur : ‘तरुणांमध्ये अस्वस्थता पसरवणं एका डॉक्टरला शोभत नाही’, यशोमती ठाकूरांचा बोंडेंवर पलटवार