लोकप्रिय मुख्यमंत्र्यांच्या यादीत स्थान, उद्धव ठाकरे यांची पहिली प्रतिक्रिया
तमाम शिवसैनिकांचे प्रेम आणि शिवसेनाप्रमुख बाळासाहेब ठाकरे आणि माँसाहेबांचा आशीर्वाद याशिवाय ही झेप शक्य नाही" अशा भावनाही मुख्यमंत्र्यांनी व्यक्त केल्या. (Uddhav Thackeray Popular Chief Ministers)
मुंबई : “लोकप्रियतेत माझा वरचा नंबर येण्यापेक्षा महाराष्ट्र जगभरात पहिल्या क्रमांकाचे राज्य कसे करता येईल, हेच माझे ध्येय आहे” असं म्हणत लोकप्रिय मुख्यमंत्र्यांच्या यादीत समावेश झाल्यानंतर मुख्यमंत्री उद्धव ठाकरे यांनी जनता, मंत्रिमंडळातील सहकारी आणि सर्व अधिकाऱ्यांचे आभार मानले. एका खासगी सर्वेक्षणाच्या अहवालानुसार उद्धव ठाकरे यांचा समावेश सर्वाधिक लोकप्रिय मुख्यमंत्र्यांच्या यादीत करण्यात आला आहे. (Uddhav Thackeray First Reaction on Popular Chief Ministers Survey)
“लोकप्रिय मुख्यमंत्र्यांच्या यादीत माझा समावेश झाला, हे माझे एकट्याचे यश नाही. सहा महिन्यांच्या काळात शिवरायांचे हे राज्य पुढे नेण्यासाठी मला साथ देणाऱ्या प्रत्येकाचे यश आहे. मुख्यमंत्रिपद हे निमित्त आहे, महाराष्ट्राची सेवा घडत आहे हे महत्त्वाचे. लोकप्रियतेत माझा वरचा नंबर येण्यापेक्षा महाराष्ट्र जगभरात पहिल्या क्रमांकाचे राज्य कसे करता येईल, हेच माझे ध्येय आहे” अशी प्रतिक्रिया उद्धव ठाकरे यांनी व्यक्त केली.
हेही वाचा : राष्ट्रपती राजवट लावा म्हणणारे, महाराष्ट्राला बदनाम करणाऱ्या ‘आपल्या’ माणसांनी आकडे पाहावे : मुख्यमंत्री
“महाराष्ट्राच्या जनतेने संकट काळात विश्वास दाखवला, माझे मंत्रिमंडळातील सहकारी, सर्व अधिकाऱ्यांचे आभार या सर्वांचे आभार. अर्थात तमाम शिवसैनिकांचे प्रेम आणि शिवसेनाप्रमुख बाळासाहेब ठाकरे आणि माँसाहेबांचा आशीर्वाद याशिवाय ही झेप शक्य नाही” अशा भावनाही मुख्यमंत्र्यांनी व्यक्त केल्या.
मुख्यमंत्री उद्धव बाळासाहेब ठाकरे यांचा लोकप्रिय मुख्यमंत्र्यांच्या यादीत समावेश झाल्यानंतर त्यांनी महाराष्ट्रातील जनता, मंत्रिमंडळातील सहकारी आणि सर्व अधिकाऱ्यांचे आभार मानले.
मुख्यमंत्री उद्धव बाळासाहेब ठाकरे यांचे निवेदन: pic.twitter.com/cgSARFVC65
— Office of Uddhav Thackeray (@OfficeofUT) June 4, 2020
(Uddhav Thackeray Popular Chief Ministers)
‘आयएएनएस’ आणि ‘सीव्होटर्स’ संस्थेने संयुक्तपणे केलेल्या सर्वेक्षणाचा अहवाल समोर आला आहे. मुख्यमंत्री उद्धव ठाकरे यांची लोकप्रियता 76.52 टक्के इतकी असल्याचं या अहवालात म्हटलं आहे. तर गेली सलग वीस वर्षे ओदिशाचे मुख्यमंत्रिपद भूषवणारे नवीन पटनायक हे सर्वात लोकप्रिय मुख्यमंत्री ठरले आहेत. देशातील विविध राज्यांमधील नेते आणि राष्ट्रीय नेत्यांची लोकप्रियता जाणून घेण्यासाठी हे सर्वेक्षण करण्यात आले होते.
आयएएनएस आणि सी व्होटर्सच्या सर्वेक्षणातील टॉप 5 मुख्यमंत्री
1. नवीन पटनायक (ओदिशा) – 82.96 टक्के 2. भूपेश बघेल (छत्तीसगड) – 81.06 टक्के 3. पिनराई विजयन (केरळ) – 80.28 टक्के 4. जगनमोहन रेड्डी (आंध्र प्रदेश) – 78.52 टक्के 5. उद्धव ठाकरे (महाराष्ट्र) – 76.52 टक्के
(Uddhav Thackeray First Reaction on Popular Chief Ministers Survey)
