मतदानाला जाताना निवडणूक आयोगाचं ओळखपत्र नाही? ‘हे’ आहेत पर्याय

मतदानाचा हक्क बजावताना तुमच्याकडे निवडणूक आयोगाने मतदान ओळखपत्र अर्थात व्होटर आयडी (voter id) आवश्यक आहे. मात्र हे ओळखपत्र (voter id) तुमच्याकडे नसेल तरीही तुम्हाला मतदान करता येईल.

  • टीव्ही 9 मराठी डिजीटल टीम
  • Published On - 7:20 AM, 15 Jan 2021
ECI Digital voter card
डिजीटल वोटर कार्ड

मुंबई : महाराष्ट्रात अनेक ठिकाणी ग्रामपंचायत निवडणुका होत आहेत. आज (15 जानेवारी) याच ग्रामपंचायत निवडणुकीसाठी (Maharashtra Grampanchayat Election Voting) राज्यात एकाच टप्प्यात मतदान प्रक्रिया पार पडत आहे. या निवडणुकीचा 18 जानेवारीला निकाल जाहीर होणार आहे. याकडे सर्वच  मतदार, उमेदवार आणि राजकीय नेत्यांचं लक्ष आहे. मात्र, त्याआधी सर्वांकडूनच अधिकाधिक मतदान होण्यासाठी प्रयत्न होत आहेत. मात्र, काही मतदारांकडे मतदान ओळखपत्र नसल्याने त्यांनी काय करायचे असा प्रश्न उपस्थित होत आहे (Valid Alternative Identity Cards for Voting while no Voter ID) .

मतदानाचा हक्क बजावताना तुमच्याकडे निवडणूक आयोगाने मतदान ओळखपत्र अर्थात व्होटर आयडी (voter id) आवश्यक आहे. मात्र हे ओळखपत्र (voter id) तुमच्याकडे नसेल तरीही तुम्हाला मतदान करता येईल, पण त्याऐवजी दुसरं अधिकृत ओळखपत्र आवश्यक असणार आहे. मतदान करण्यासाठी मतदाराचे नाव मतदार यादीत असणे गरजेचे आहे. त्याशिवाय मतदान करता येणार नाही. निवडणूक आयोगाच्या ओळखपत्राशिवाय अन्य 11 प्रकारच्या ओळखपत्रांपैकी कोणतेही एक ओळखपत्र दाखवून मतदान करता येईल.

मतदान ओळखपत्राऐवजी तुम्ही इतर सरकारी ओळखपत्र म्हणजे पासपोर्ट, वाहन चालक परवाना, छायाचित्र असलेले कर्मचारी ओळखपत्र (केंद्र, राज्य शासन, सार्वजनिक उपक्रम, सार्वजनिक मर्यादित कंपनीने कर्मचाऱ्यांना दिलेले ओळखपत्र), छायाचित्र असलेले बँकेचे पासबुक, पॅनकार्ड, NPR अंतर्गत RGI कडून मिळालेले स्मार्ट कार्ड, मनरेगा कार्यक्रमपत्रिका, कामगार मंत्रालयाद्वारे देण्यात आलेले आरोग्य विमा स्मार्ट कार्ड, छायाचित्र असलेले निवृत्तीवेतन दस्तावेज, खासदार, आमदार यांच्याकडून देण्यात आलेले ओळखपत्र आणि आधारकार्ड ही कागदपत्रं तुम्ही मतदानासाठी घेऊन जाऊ शकतात.

मतदान केंद्रावर येण्यापूर्वी तुमचे नाव मतदान यादीत आहे का हे पाहावे लागेल. ज्यांचे नाव मतदार यादीत आहे अशाच मतदारांना मतदान केंद्रात प्रवेश मिळेल. याबद्दल सरकारने काही सूचनाही दिल्या आहेत.

सूचना :

  • फोटो ओळखपत्रावर तुम्ही मतदान करु शकत नाही. यासाठी तुमचे मतदान यादीत नाव असणे गरजेचे आहे.
  • मतदान केंद्रावर मतदान पावती ओळखपत्रासोबत वरील दिलेल्या ओळखपत्रांपैकी एक ओळखपत्र असणे गरजेचे आहे.

मतदान ओळखपत्र नसेल तर पर्याय काय?

  • पासपोर्ट
  • वाहन चालक परवाना
  • छायाचित्र असलेले कर्मचारी ओळखपत्र (केंद्र, राज्य शासन, सार्वजनिक उपक्रम
  • सार्वजनिक मर्यादित कंपनीने कर्मचाऱ्यांना दिलेले ओळखपत्र)
  • छायाचित्र असलेले बँकेचे पासबुक
  • पॅनकार्ड, NPR अंतर्गत RGI कडून मिळालेले स्मार्ट कार्ड
  • मनरेगा कार्यक्रमपत्रिका
  • कामगार मंत्रालयाद्वारे देण्यात आलेले आरोग्य विमा स्मार्ट कार्ड
  • छायाचित्र असेलेल निवृत्तीवेतन दस्तावेज
  • खासदार, आमदार यांच्याकडून देण्यात आलेले ओळखपत्र
  • आधारकार्ड

संबंधित बातम्या 

नक्षलवाद्यांकडून ग्रामपंचायत निवडणूक उधळण्याचा डाव उघड, गोंदियात पुरुन ठेवलेली स्फोटकं जप्त

Special story | यंदाच्या निवडणुकीचा बाजच न्यारा; ग्रामपंचायतीमध्ये राडा-धुरळा, उमेदवारही टेक्नोफ्रेन्डली

वयाच्या 73 व्या वर्षी निवडणुकीच्या रिंगणात, सलग 10 वी पंचवार्षिक, एकदाही पराभूत नाही, हरिव्दार यांची गोष्ट

व्हिडीओ पाहा :

Valid Alternative Identity Cards for Voting while no Voter ID