Khadakwasla Dam | पुणेकरांकडून नियमांची पायमल्ली, खडकवासला धरण परिसरात उत्साही नागरिकांची गर्दी

पुणे : खडकवासला धरणातून मुठा नदीच्या पात्रात पाण्याचा विसर्ग सुरु आहे (Tourists On Khadakwasla Dam). साधारण 10 हजार क्युसेक पाण्याचा विसर्ग करण्यात आला आहे. त्यामुळे खडकवासला धरण क्षेत्राला पर्यटन स्थळांचे महत्त्व प्राप्त झालं. त्यामुळे नियमांचं उल्लंघन करत खडकवासला धरण परिसरात उत्साही नागरिकांनी गर्दी केली (Tourists On Khadakwasla Dam).

रविवारी वीक एन्डची संधी साधत धरण परिसरात गर्दी वाढली. पाण्याचा विसर्ग पाहण्यासाठी परिसरातील नागरिकांनी गर्दी केली. लहान मुलं आबालवृद्ध, तरुण-तरुणी आणि कुटुंबीयांसह नागरीक पाणी पाण्यासाठी येत आहेत. धरणाचं निसर्गरम्य वातावरण, नयनरम्य दृश्य आपल्या कॅमेऱ्यात कैद करण्यासाठी या नागरिकांनी खडकवासला धरण परिसरात गर्दी केली. या पर्यटकांसाठी मक्याच्या कणसांचे स्टॉलसुद्धा लागले होते. पर्यटकांमुळे एनडीएकडून खडकवासला दिशेनं जाणाऱ्या पुलावर वाहतूक कोंडी झाली.

कोरोनाच्या पार्श्वभूमीवर यंदा खडकवासला धरण क्षेत्रात नागरिकांना गर्दी करण्यास मनाई करण्यात आली आहे. मात्र, या आदेशानंतरही उत्साही नागरिकांमुळे गर्दी होत आहे. उत्साही नागरिक पुलावरच वाकडी तिकडी वाहने लावत असल्यामुळे वाहतुकीची समस्या निर्माण होत आहे. हौशी, उत्साही पर्यटकांना आवरण्यासाठी पोलीसही गस्त घालत आहे. मात्र आता उत्साही पर्यटकांना आवरताना पोलिसांना नाकीनऊ येत आहे.

मुंबई, पुण्यासह मराठवाड्यात मुसळधार पावसाची शक्यता, पुढील तीन दिवस सतर्कतेचा इशाराhttps://t.co/LnqIYgGxrt #Maharashtra #rain

— TV9 Marathi (@TV9Marathi) August 16, 2020

Tourists On Khadakwasla Dam

संबंधित बातम्या :

बारा दिवसात पाणीसाठा दुप्पट, मुंबईकरांना नऊ महिने पुरेल इतकं पाणी

Pune Dam | पुण्यातील चारही धरणात 79 टक्के पाणीसाठा, खडकवासाला धरण भरले

पुण्यात गणेश विसर्जनासाठी फिरते विसर्जन हौद, मूर्तीदानाचीही व्यवस्था