Chanakya Niti | व्यक्तीच्या या चुका त्याचं आयुष्य उद्ध्वस्त करतात, जाणून घ्या आचार्य चाणक्य काय सांगतात

मुंबई : आजही लोकांना चाणक्य नीतिमध्ये लिहिलेल्या गोष्टी वाचायला आवडतात. आचार्य चाणक्य यांनी त्यांचे जीवन अनुभव श्लोकांच्या स्वरुपात चाणक्य नीतिमध्ये लिहिले आहेत. असे म्हटले जाते की जर एखाद्या व्यक्तीने या पुस्तकात लिहिलेल्या गोष्टींचे अनुसरण केले तर त्या जीवनात एक नवीन मार्ग सापडतो. आचार्य चाणक्य एक महान राजकारणी, मुत्सद्दी आणि विद्वान होते. त्याचे जीवन त्याग, चिकाटी, धैर्य आणि प्रयत्नांचे प्रतीक आहे. आपल्या रणनीतिने त्यांनी एका साध्या मुलाला चंद्रगुप्त मौर्याला सम्राट बनवले होते.

चाणक्य नीतिमध्ये चांगल्या, वाईट, मैत्री, व्यक्तीचे आचरण यासह अनेक पैलूंचा उल्लेख करण्यात आला आहे. आचार्य चाणक्य यांच्या मते माणसाच्या वाईट सवयी त्याचे आयुष्य नष्ट करतात. त्याबद्दल जाणून घेऊया.

1. आचार्य चाणक्य यांच्या मते, जर एखादी व्यक्ती कपटाने पैसे कमावत असेल तर ते फार काळ टिकत नाही. असे लोक अडचणीत येतात, ज्यामुळे त्यांचे पैसे वाया जातात.

2. आपण आपल्या घरात मोठ्यांकडून अनेकदा ऐकले आहे की आपण जास्त वेळ झोपू नये. चाणक्याच्या मते, जे सकाळपासून संध्याकाळपर्यंत झोपतात त्यांना देवी लक्ष्मीचा आशीर्वाद कधीच मिळत नाही. शास्त्रामध्ये असेही म्हटले आहे की सकाळी उशिरापर्यंत झोपल्याने घरात दारिद्र्य येते.

3. आचार्य चाणक्य म्हणतात की कोणत्याही व्यक्तीने त्याच्या गरजेपेक्षा जास्त खाऊ नये. यामुळे गरिबी येते. याशिवाय तुमचे आरोग्यही बिघडते. म्हणून एखाद्या व्यक्तीने अति खाणे टाळावे.

4. आपल्या बोलण्यावर संयम आणि गोडवा ठेवावा. ज्यांच्या बोलण्यात गोडवा नाही, त्यांच्याकडे कधीच लक्ष्मीचा वास नसतो. आचार्य चाणक्य म्हणतात की जे इतरांच्या मनाला दुखावतात त्यांच्यावर लक्ष्मी नाराज होते. असे लोक गरीब होतात.

5. आचार्य चाणक्य यांच्या मते, जे दात स्वच्छ करत नाहीत, त्यांच्याकडे लक्ष्मीजींचा निवास कधीच नसतो. चाणक्य नीतिच्या मते, देवी लक्ष्मी अशा लोकांवर क्रोधित होतात, ज्यामुळे व्यक्ती गरीब होते. याशिवाय, जे लोक स्वच्छता पाळत नाहीत आणि घाणेरडे कपडे घालतात. अशा लोकांवर देवी लक्ष्मीची कृपा राहत नाही. या लोकांना समाजात सुद्धा मान मिळत नाही.

Chanakya Niti | जीवनात मान-सम्मान हवाय, तर ही कामे चुकूनही करु नयेhttps://t.co/Y9hvgpfr3r#ChanakyaNiti #AcharyaChanakya #Spiritual

— TV9 Marathi (@TV9Marathi) September 27, 2021

टीप – या लेखात देण्यात आलेली माहिती, सूचना आणि मान्यता ही उपलब्ध सामान्य माहितीवर आधारित आहे. कुठलाही उपाय करण्यापूर्वी ज्योतिष विषयातील जाणकारांशी संपर्क करा…

संबंधित बातम्या :

Chanakya Niti : व्यक्तीची पारख कशी करावी, या 4 गोष्टी लक्षात ठेवा

पत्नीवर संशय किंवा आर्थिक फटका, कधीही बोभाटा करु नये या 4 गोष्टींचा