Kamada Ekadashi 2022 | मनातील सर्व इच्छा पूर्ण होणार, जाणून घ्या कामदा एकादशीचे महत्त्व

मुंबई : हिंदू कॅलेंडरनुसार चैत्र (Chaita) महिन्यातील शुक्ल पक्षातील एकादशी तिथी (Ekadashi tithi) कामदा एकादशी म्हणून साजरी केली जाते. पंचांगानुसार, एका वर्षात २४ एकादशी असतात ज्यात प्रत्येक महिन्यात पहिल्या शुक्ल पक्षात आणि दुसऱ्या कृष्ण पक्षात एकादशी येते. हिंदू (Hindu) वर्षाच्या पहिल्या महिन्यात येणारी एकादशी कामदा एकादशी म्हणून ओळखली जाते. या दिवशी विधीपूर्वक भगवान विष्णूची पूजा केली जाते. असे मानले जाते की कामदा एकादशीच्या दिवशी उपवास केल्याने सर्व पापांपासून मुक्ती मिळते. विष्णु पुराणानुसार या दिवशी व्रत केल्यास हजारो वर्षांच्या तपश्चर्येप्रमाणेच फळ मिळते. या दिवशी उपवास ठेवणे हे भगवान विष्णूचे अवतार भगवान श्रीकृष्णाला समर्पित आहे. अनेक पुराण आणि हिंदू शास्त्रानुसार या दिवशी उपवास केल्याने भाविकांना पुनर्जन्माच्या चक्रातून मुक्त होण्यास मदत होते आणि ते मोक्ष प्राप्त करतात. भक्तांना अनेक शाप आणि पापांपासून संरक्षण देखील मिळते. या व्यतिरिक्त असेही मानले जाते की संतती नसलेल्या जोडप्यांना हा उपवास केल्यावर संतान प्राप्ती होते. लोकमान्यतांनुसार, ज्या जोडप्यांना मुलाची अपेक्षा असते त्यांनी संतान गोपाळ मंत्राचे पठण करावे आणि परमेश्वराला पिवळी फळे आणि फुले अर्पण करावी. जाणून घ्या कामदा एकादशीची वेळ, पूजा पद्धत

कामदा एकादशी शुभ मुहूर्त

एकादशी तिथी – 12 एप्रिल, मंगळवार, पहाटे 4:30 वाजता सुरू होईल

एकादशी तिथी समाप्त होते – 13 एप्रिल, बुधवार, पहाटे 5:2 वाजता समाप्त होते

सर्वार्थ सिद्धी योग – 12 एप्रिल रोजी सकाळी 5:59 ते 13 एप्रिल रोजी सकाळी 8:35 पर्यंत.

पारणाची वेळ – 13 एप्रिल दुपारी 1:39 ते 4:12 पर्यंत

कामदा एकादशी 2022 : पूजा कशी करावी?

– सकाळी स्नान करा, दिवा लावा, धूप वाला आणि चंदन लावा आणि भगवान विष्णूला अर्पण करा

– फुले, दुधाचे पदार्थ, सात्विक अन्न, फळे आणि कोरडे फळे अर्पण करा.

– दशमीचा दिवस असल्याने कामदा एकादशीचे व्रत सुरु होते, भक्त सूर्यास्तापूर्वी एकदाच जेवतात, तेही आदल्या दिवशी.

– लोक कथा, व्रत कथा ऐकतात आणि मंत्रांचे जप करतात.

– भाविकांनी या दिवशी विष्णू सहस्त्रनाम देखील वाचावे.

संबंधीत बातम्या :

Zodiac | गुरू देणार आयुष्याला दिशा, 12 वर्षानी गुरू कराणार स्वामी राशीत प्रवेश

Zodiac | महाकंजूस असतात या 4 राशीचे लोक,अफाट संपत्ती मिळवूनही पैसे जपून ठेवतात

Zodiac| 30 वर्षांनंतर 29 एप्रिला शनी करणार स्वराशी कुंभमध्ये प्रवेश, या राशींवर होणार परिणाम