Eid Ul Fitr 2023 Date : सौदी अरेबीयात आज साजरी होणार ईद, भारताबद्दल आली मोठी अपडेट
रमजानचा शेवटचा दिवस 20 एप्रिल होता, तर शव्वाल हा इस्लामिक महिना 21 एप्रिलपासून सुरू होईल. यासह, यूएईमध्ये 3 दिवसीय ईद उत्सव सुरू झाला आहे. खरे तर अरब देशांमध्ये चंद्र दिसल्याने अरब आणि आखाती देशांमध्ये..
मुंबई : संयुक्त अरब अमिरातीमध्ये शुक्रवार 21 एप्रिल रोजी ईदचा सण साजरा केला जाणार आहे. यूएईच्या चंद्रदर्शन समितीने गुरुवारी याची घोषणा केली. समितीने सांगितले की रमजानचा शेवटचा दिवस 20 एप्रिल होता, तर शव्वाल हा इस्लामिक महिना 21 एप्रिलपासून सुरू होईल. यासह, यूएईमध्ये 3 दिवसीय ईद उत्सव सुरू झाला आहे. खरे तर अरब देशांमध्ये चंद्र दिसल्याने अरब आणि आखाती देशांमध्ये ईदच्या दुसऱ्या दिवशी भारतात ईद साजरी होणार असल्याचे स्पष्ट झाले. अशाप्रकारे, शनिवारी, 22 एप्रिल रोजी भारतात ईद साजरी होईल (Eid Ul Fitr 2023 India Date) , अशी आशा आहे. अरब देशांमध्ये देशात ईद साजरी झाल्यानंतर भारतात एक दिवसानंतर ईद साजरी करण्यात येते, परंतु प्रत्येक वेळी असे करणे आवश्यक नाही.
सर्व सरकारी-खासगी संस्था बंद राहतील
अहवालानुसार, शुक्रवार ते रविवार UAE मध्ये सर्व सरकारी-खाजगी संस्था बंद राहतील आणि आता सोमवारपासून तेथे काम सुरू होईल. सण साजरा करण्यासाठी खासगी क्षेत्रातील लोकांनाही तेथे सुटी देण्यात आली आहे. रमजान संपल्याची घोषणा होताच, UAE मधील सर्व सरकारी इमारती दिव्यांनी न्हाऊन निघाल्या. यासोबतच तेथे फटाक्यांची आतषबाजीही मोठ्या प्रमाणात करण्यात आली आहे. रमजान हा इस्लामिक कॅलेंडरमधील नववा महिना आहे. तर शव्वाल हा दहावा महिना आहे.
या देशांमध्ये शनिवारी ईद साजरी होणार आहे
दुसरीकडे, ऑस्ट्रेलिया, सिंगापूर, इंडोनेशिया, मलेशिया, ब्रुनेई, थायलंड, जपान आणि फिलिपाइन्समध्ये राहणाऱ्या मुस्लिमांनी शनिवार, 22 एप्रिल रोजी ईद अल फित्र साजरी करण्याची घोषणा केली आहे. याचे कारण म्हणजे गुरुवारी तेथे ईदचा चंद्र दिसला नाही. त्यानंतर त्यांनी शनिवारी ईद साजरी करण्याची घोषणा केली. दुसरीकडे, यूएई, सौदी अरेबिया, बहरीन, कतारसह सर्व आखाती देशांमध्ये शुक्रवार, 21 एप्रिल रोजी ईदचा सण साजरा केला जाणार आहे.
आंतरराष्ट्रीय खगोलशास्त्र केंद्राने नाकारला हा दावा
तथापि, आंतरराष्ट्रीय खगोलशास्त्र केंद्राने आखाती देशांकडून चंद्र दिसल्याचा दावा नाकारला आहे. केंद्राने ट्विटरवर एक निवेदन पोस्ट केले आहे की अरब देशात उघड्या डोळ्यांनी किंवा दुर्बिणीच्या मदतीने गुरुवारी चंद्र पाहणे पूर्णपणे अशक्य आहे. यावेळी चंद्र इतका लहान आहे की पश्चिम आफ्रिकेतील काही भाग वगळता तो कुठेही दिसत नाही. तिथेही चंद्र पाहण्यासाठी अचूक दुर्बिणी, व्यावसायिक निरीक्षक आणि स्वच्छ हवामान आवश्यक आहे. त्याशिवाय चंद्र तिथेही दिसू शकत नाही. त्याच वेळी, गुरुवारी भारतात ईदचा चंद्र दिसला नाही, त्यामुळे असे मानले जाते की आता देशातील मुस्लिम ईद शनिवारी, 22 एप्रिल रोजी साजरी करतील.
