Pandharpur wari 2022: आज फलटणमध्ये विसावणार ज्ञानेश्वर माऊलींची पालखी

टाळ मृदूंगाच्या नादात वैष्णवांची वारी पंढरपूरच्या (Pandhapur wari 2022) दिशेने पाऊलं टाकत आहेत. ज्ञानेश्वर माऊलींच्या पालखीचा  (Dnyaneshwar maharaj palkhi) आज फलटण  येथे  मुक्कामी असणार आहे. फलटण (Phaltan) येथे माऊलीच्या पालखीचे मोठ्या उत्साहात स्वागत करण्यात आले होते. गेल्या दोन वर्षांत सोहळा न झाल्याने फलटणवासीयांना माऊलीच्या आगमनाची उत्सुकता लागून राहिली होती. स्थानिकांनी रांगेत पालखीचे दर्शन घेतले.  तरडगाव येथील प्रस्थानानंतर पालखी मार्गावरील गावोगावचे स्वागत स्वीकारून श्री संतश्रेष्ठ ज्ञानेश्वर महाराजांची पालखी सोहळा लाखो विठ्ठल भक्‍तांसोबत संध्याकाळी चारला जिंती नाक्यावर फलटण शहरात दाखल झाला. येथे नागरिकांनी गर्दी केली होती.

वारीत दिला अवयव दानाचा संदेश

अहमदनगरला पंढरीच्या वारीसाठी निघालेल्या श्री क्षेत्र डोंगरगण येथील रामेश्‍वर देवस्थान दिंडीच्या माध्यमातून अवयवदान, नेत्रदानाबाबत जनजागृती केली गेली. या दिंडीचे फिनिक्स सोशल फाऊंडेशनच्या वतीने शहरात स्वागत करण्यात आले. दिंडीतील वारकर्‍यांच्या आरोग्यासाठी प्राथमिक औषधोपचाराची किट फाउंडेशनच्या वतीने भेट देऊन अवयवदान आणि नेत्रदानाची जनजागृती करण्यात आली. यावेळी काही वारकर्‍यांनी मरणोत्तर अवयवदान आणि नेत्रदानाचा संकल्प देखील केला. गेल्या 18 वर्षांपासून फिनिक्स फाउंडेशन ही सेवाभावी संस्था या दिंडीची सेवा करते सोबतच वारकऱ्यांच्या माध्यमातून जनजागृती देखील केली जाते.