पितृपक्षात ‘ही’ 3 झाडे नक्की लावा, तुम्हाला तुमच्या पूर्वजांचे मिळतील आशीर्वाद

दरवर्षी भाद्रपद महिन्याच्या शुक्ल पक्षाच्या पौर्णिमेला पितृपक्ष सुरू झाला आहे. तर आजच्या लेखात आपण जाणून घेऊयात की पितृपक्षात कोणती झाडे लावल्याने पूर्वजांचा आशीर्वाद मिळतो.

पितृपक्षात 'ही' 3 झाडे नक्की लावा, तुम्हाला तुमच्या पूर्वजांचे मिळतील आशीर्वादImage Credit source: TV9 Network/Hindi

स्नेहल. चं. मेंगळ | Edited By: Rakesh Thakur | Updated on: Sep 10, 2025 | 7:35 PM

दरवर्षी भाद्रपद महिन्यातील शुक्ल पक्षाच्या पौर्णिमेपासून पितृपक्ष सुरू होतो. तो आश्विन महिन्यातील अमावस्येला संपतो. यावेळी पितृपक्ष 7 सप्टेंबर 2025 रोजी सुरू झाला असून 21 सप्टेंबर 2025 पर्यंत राहील. हा काळ प्रामुख्याने पूर्वजांच्या आत्म्याच्या शांतीसाठी श्राद्ध कर्मासाठी ओळखला जातो. असे मानले जाते की जर पितृपक्षात पिंडदान, तर्पण, पूजा-पाठ, धूप दान आणि दान-दक्षिणा यासारखी पुण्यकर्मे केली तर घरगुती कलहांसह पितृदोषांपासून मुक्तता मिळते. याशिवाय, प्रलंबित काम पूर्ण होणे, घराचे आशीर्वाद आणि सुख-समृद्धी यासारखे शुभ परिणाम आपल्यावर होत असतो. मात्र श्राद्धाच्या वेळी काही खास झाडांना पाणी घालून पितर प्रसन्न होतात आणि वंशजांवर त्यांचे आशीर्वाद देत असतात. पण तुम्हाला माहिती आहे का की पितृपक्षात ही तीन झाडे आणि रोपे लावणे खूप शुभ आहे. या झाड्यांच्या प्रभावामुळे घरात सुख-शांती राहते. चला त्याबद्दल जाणून घेऊयात.

पिंपळाचे झाड लावणे

धार्मिक मान्यतेनुसार पिंपळाच्या झाडात पूर्वजांचा वास असतो. म्हणून श्राद्ध पक्षात त्यांची पूजा केल्याने पूर्वजांचे आशीर्वाद मिळतात. पितृपक्षात तुम्ही पिंपळाचे झाड देखील लावू शकता. यामुळे पूर्वज प्रसन्न होतात आणि जीवनात सुख-समृद्धी टिकून राहते.

वडाचे झाड

पितृपक्षात वटवृक्षाची पूजा करणे खूप शुभ आहे. असे मानले जाते की हे झाड दीर्घायुष्य, अमरत्व आणि ब्रह्मा, विष्णू, शिव या त्रिमूर्तीचे प्रतीक आहे. जर त्याची पूजा आणि प्रदक्षिणा विधीनुसार केली तर जीवनात सकारात्मकता येते. तर तुम्ही पितृपक्षात वडाचे झाड लावणे देखील शुभ मानले जाते. यामुळे घरातील सर्व प्रकारचे दोष दूर होतात.

तुळस

हिंदू धर्मात तुळशील एक पवित्र स्थान आहे, ज्याची प्रत्येक सणात तसेच रोज पूजा केली जाते. यामुळे देवी लक्ष्मी तसेच भगवान विष्णू प्रसन्न होतात. असे मानले जाते की पितृपक्षात तुळशीचे रोप लावल्याने सर्व इच्छा पूर्ण होतात आणि ग्रह दोषांपासून मुक्तता मिळते.