या तारखेला जन्मलेल्या महिला स्वत: मुलांचे आयु्ष्य करतात खराब, संगोपनात करतात या चुका

Numerology: आईकडून होणारी कडक शिस्त अनेकदा मुलांच्या व्यक्तिमत्त्वावर नकारात्मक परिणाम करू शकते. सततच्या दबावामुळे मुलांचा आत्मविश्वास कमी होतो. ते मनमोकळेपणाने जगू शकत नाहीत. अशा मुलांना स्वतःचे मत मांडणे, निर्णय घेणे किंवा स्वतःसाठी उभे राहणे कठीण जाते. भविष्यातही त्यांच्या व्यक्तिमत्त्वात संकोच, भीती आणि असुरक्षितता दिसून येते.

घरात शिस्त असणे आवश्यक असले तरी ती अतिरेकाची झाली तर मुलांवर मानसिक ताण वाढतो. सतत टीका करणे, अवास्तव अपेक्षा ठेवणे किंवा प्रत्येक गोष्टीत परफेक्शनची सक्ती करणे यामुळे मुलांमध्ये न्यूनगंड निर्माण होऊ शकतो. अशा मुलांना कायम भीतीच्या छायेत राहावे लागते. परिणामी त्यांची निर्णयक्षमता कमी होते आणि ते आयुष्यात ठामपणे पुढे जाऊ शकत नाहीत.

ज्योतिषशास्त्र आणि अंकशास्त्रानुसार काही विशिष्ट मूलांकांच्या महिलांकडून नकळत अशा प्रकारच्या पालकत्वातील चुका होण्याची शक्यता वर्तवली जाते. त्याचा परिणाम मुलांच्या मानसिक आणि भावनिक विकासावर होऊ शकतो असे मानले जाते.

मूलांक 1 – नेतृत्वगुण, पण जास्त अपेक्षा

ज्या महिलांचा जन्म कोणत्याही महिन्याच्या 1, 10, 19 किंवा 28 तारखेला झाला असेल तर त्यांचा मूलांक 1 मानला जातो. अंकशास्त्रानुसार मूलांक 1 चा स्वामी सूर्य आहे. सूर्याच्या प्रभावामुळे या महिला आत्मविश्वासी, नेतृत्वगुण असलेल्या आणि ठाम स्वभावाच्या असतात.

मात्र, अनेकदा आपल्या मुलांनीही स्वतःसारखेच परिपूर्ण असावे अशी त्यांची अपेक्षा असते. या परिपूर्णतेच्या आग्रहात त्या मुलांवर जास्त शिस्त लादू शकतात. अवास्तव यशाची अपेक्षा किंवा प्रत्येक गोष्टीत उत्कृष्ट कामगिरीची सक्ती यामुळे मुलांमध्ये कमीपणाची भावना निर्माण होऊ शकते. परिणामी मुलांचा आत्मविश्वास कमी होण्याची शक्यता असते.

मूलांक 9 – धाडसासोबत रागाची छाया

9, 18 किंवा 27 तारखेला जन्मलेल्या महिलांचा मूलांक 9 असतो. अंकशास्त्रानुसार मूलांक 9 चा स्वामी मंगळ आहे. मंगळामुळे धाडस, ऊर्जा आणि नेतृत्वगुण मिळतात. परंतु त्याचबरोबर राग आणि अहंकाराची प्रवृत्तीही वाढू शकते.

मूलांक 9 असलेल्या काही महिलांचा स्वभाव कडक किंवा चटकन रागावणारा असू शकतो. त्यांच्या रागामुळे मुले घाबरट स्वभावाची बनू शकतात. सततच्या धाकामुळे मुलांना स्वतःचे मत व्यक्त करण्याची भीती वाटू शकते. त्यामुळे त्यांचा सर्वांगीण विकास बाधित होऊ शकतो.

 (Disclaimer): वाचकांच्या माहितीसाठी ही बातमी सामान्य माहितीच्या आधारे तयार करण्यात आली आहे. अंकशास्त्र आणि ज्योतिषशास्त्रातील मान्यतांवर आधारित या दाव्यांची स्वतंत्रपणे पुष्टी केलेली नाही. याकडे केवळ जागरूकतेच्या दृष्टीने पाहावे.