Vastu Shastra : जेवताना ताटात केस निघणं, घरात वारंवार मांजर येणं, या घटनांचा काय असतो संकेत?

वास्तुशास्त्रामध्ये काही प्राण्यांना अत्यंत शुभ मानलं गेलं आहे, तर काही प्राण्यांना अशुभ मानलं गेलं आहे. प्रत्येक प्राणी पक्षी हा आपल्याला विशिष्ट संकेत देत असतो, अशी वास्तुशास्त्रामध्ये मान्यता आहे. जसं की जर तुमच्या घरासमोर कावळा ओरडत असेल तर तुमच्या घरी लवकरच पाहुणे येणार असा त्याचा संकेत होतो. त्याचसोबत तुम्ही सकाळी उठलात आणि तुम्हाला मुंगूस किंवा भारद्वाज पक्षाचं दर्शन झालं तर तुम्हाला दिवसभरात एखादी तरी आनंदांची बातमी मिळणार आहे, असा त्याचा संकेत असतो. जसे काही प्राणी हे शुभ आहेत, तसेच काही प्राण्यांना वास्तुशास्त्रामध्ये अशुभ देखील मण्यात आलं आहे. मात्र मांजराबद्दल दोन भिन्न मते आढळतात, काहींच्या मते मांजर घरात असणं हे शुभ आहे, तर काहींच्या मते घरात वारंवार मांजर येणं अशुभ आहे.आज आपण अशाच दोन गोष्टींबद्दल माहिती जाणून घेणार आहोत, एक म्हणजे समजा तुम्ही जेवत असताना जर तुमच्या ताटात केस आढळला तर त्याचा नेमका अर्थ काय होतो? आणि दुसरी गोष्ट म्हणजे समजा जर तुमच्या घरात वारंवार मांजर येत असेल तर त्यातून तुम्हाला काय संकेत मिळतो? चला तर मग जाणून घेऊयात वास्तुशास्त्रामध्ये नेमकं काय सांगितलं आहे? त्याबद्दल.

जेवताना ताटात केसं आढळणे – जेवताना ताटामध्ये केस अनेक कारणांमुळे आढळू शकतो, आरोग्याच्या दृष्टीने देखील ही गोष्ट हानिकारकच आहे. मात्र वास्तुशास्त्रामध्ये देखील जेवताना ताटात केसं आढळला तर तो एक अशुभ संकेत मानला जातो. जर जेवताना तुमच्या ताटात केस आढळला तर भविष्यात तुम्ही एखाद्या अडचणीत सापडणार आहात, तुमच्यावर एखादं संकट येऊ शकतं असा त्याचा अर्थ होतो, असं वास्तुशास्त्रामध्ये म्हटलं आहे.

घरात मांजर येणं – वास्तुशास्त्रानुसार तुमच्या जर घरात वारंवार मांजर येत असेल तर त्याला शुभ मानलं गेलं आहे. कारण मांजरांमध्ये नकारात्मक शक्ती ओळखण्याची ताकद असते, जिथे नकारात्मक शक्ती आहे, अशा वातावरणात मांजर राहत नाही, तुमच्या घरात सकारात्मक ऊर्जा आहे, त्यामुळेच ती तुमच्या घरात येते, असं वास्तुशास्त्रात सांगण्यात आलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)