IND vs NZ: न्यूझीलंडने Live मॅचमध्ये अचानक बदलला संघ, फलंदाजीला वेगळा अन् गोलंदाजीला वेगळा खेळाडू असं का?

IND vs NZ ODI 2nd Match: भारत आणि न्यूझीलंड यांच्यात वनडे मालिका सुरु असून या मालिकेतील दुसरा सामना सुरु आहे. दुसऱ्या सामन्यात प्रथम फलंदाजी करताना किवी संघाला विशेष कामगिरी करता आलेली नाही. न्यूझीलंडच्या संघाची सुरुवात अतिशय वाईट झाली. याशिवाय सामन्यात एका गोष्टीने लक्षवेधून घेतले ते म्हणजे लाईव्ह सामन्यात संघात बदल केला गेला.

भारताविरुद्ध सुरू असलेल्या दुसऱ्या एकदिवसीय सामन्यासाठी न्यूझीलंडच्या प्लेइंग इलेव्हनमध्ये अचानक बदल झाला आहे. ब्लेअर टिकनरच्या जागी मॅट फिशरला प्लेइंग इलेव्हनमध्ये स्थान देण्यात आले आहे. ४१ व्या षटकात अंशुल कंबोजच्या चेंडूने टिकनरच्या कानाच्या खाली दुखापत झाली, ज्यामुळे रक्तस्त्राव सुरू झाला. टिकनरची दुखापत लक्षात घेता, त्याच्या जागी बदली खेळाडू म्हणून फिशरला संघात घेण्यात आले.

Blair Tickner will play no further part in the second ODI against India after being struck on the helmet while batting.

Tickner is currently being monitored by medical staff and Matthew Fisher comes into the Matchday XI as a concussion substitute.

📸 @PhotosportNZ https://t.co/rakBTLSxC7

— BLACKCAPS (@BLACKCAPS) November 7, 2026

न्यूझीलंडचा डाव केवळ १३४ धावांवरच आटोपला. न्यूझीलंडकडून डॅरिल मिचेल हा एकमेव फलंदाज होता ज्याने ५५ धावा करून चांगली कामगिरी केली. कर्णधार मिचेल सँटनरनेही ३१ धावा केल्या. भारतीय गोलंदाजांनी पुन्हा एकदा न्यूझीलंडच्या फलंदाजांची धुलाई केली, ज्यात आठ फलंदाज दुहेरी आकडा गाठण्यात अपयशी ठरले. भारतासाठी गुरनूर ब्रारने सर्वाधिक चार बळी घेतले, त्याने आपल्या १० षटकांच्या स्पेलमध्ये केवळ ३० धावा दिल्या.

याव्यतिरिक्त, आकिब नबीने ७ षटकांत ३१ धावा देऊन दोन बळी घेतले. अंशुल कंबोजने ८ षटकांत २५ धावा देऊन दोन बळी घेतले, तर अक्षर पटेलने ९ षटकांत २८ धावा देऊन दोन बळी घेतले. अर्शदीप सिंगला एकही विकेट घेता आलेली नाही. मागील सामन्यात चार विकेट घेणाऱ्या अर्शदीपला एकही सफलता मिळालेली नाही.

भारत मालिकेत आघाडीवर भारतीय संघ सध्या पाच सामन्यांच्या मालिकेत १-० ने आघाडीवर आहे. भारताने पहिल्या सामन्यात ऑकलंडमध्ये न्यूझीलंडला केवळ १८५ धावांवर रोखून पराभूत केले. फल