IND VS WI: रोव्हमॅन पॉवेलची फटकेबाजी पाहून दुसऱ्याची पर्स रिकामी करणारे किरण कुमार गांधी खूप खूष असतील, कारण…

कोलकाता: IPL Mega Auction 2022 च्या वेळी एका चेहऱ्याने सर्वांच लक्ष वेधून घेतलं. ऑक्शन सुरु असताना सोशल मीडियावर काव्या मारन इतकीच त्याची सुद्धा चर्चा झाली. त्यांच नाव आहे. किरण कुमार गांधी. (kiran kumar gandhi) हे किरण कुमार गांधी दिल्ली कॅपिटल्सशी संबंधित आहेत. त्यांनी स्वत:चा संघ कमी बजेटमध्ये निवडला. पण अन्य खेळाडूंवर सातत्याने बोली वाढवून दुसऱ्या फ्रेंचायजीची पर्स रिकामी केली. त्यामुळे किरण कुमार गांधींबद्दल सोशल मीडियावर बरीच चर्चा झाली. आता किरण कुमार गांधी पुन्हा चर्चेत येण्यामागे कारण आहे, ती कालची रोव्हमॅन पॉवेलची (Rovman powell) तडाखेबंद खेळी. भारताने वेस्ट इंडिज विरुद्धचा दुसरा टी-20 सामना जिंकला असला, तरी रोव्हमॅन पॉवेल कालच्या सामन्यात भाव खाऊन गेला. पॉवेलची मैदानावरची आतषबाजी डोळे दिपवून टाकणारी होती.

भारतीय गोलंदाज अखेरपर्यंत त्याला आऊट करु शकले नाहीत. सहा ऐवजी आठ चेंडूंच षटक असत, तर कदाचित दुसरा निकाल दिसला असता. वेस्ट इंडिजच्या या पॉवर हिटर फलंदाजाने 36 चेंडूत नाबाद 68 धावांची खेळी केली. यात चार चौकार आणि पाच षटकार होते.

रोव्हमॅन पॉवेल आणि किरण कुमार गांधी यांचं काय कनेक्शन आहे?

तुम्हाला प्रश्न पडला असेल, रोव्हमॅन पॉवेल आणि किरण कुमार गांधी यांचं काय कनेक्शन आहे? ते का खूष होतील? असे प्रश्न तुम्हाला पडले असतील. तर त्याच उत्तर असं आहे की, या पॉवेलला दिल्ली कॅपिटल्सने विकत घेतलय. किरण कुमार गांधी दिल्ली कॅपिटल्सचे मालक आहेत. अवघ्या 2.88 कोटींमध्ये हा पॉवरफुल फलंदाज दिल्लीला मिळाला आहे. किरण कुमार गांधींच नव्हे, तर कालच्या सामन्यात यष्टीरक्षण करणारा ऋषभ पंतही तितकाच आनंदी असेल. कारण आयपीएल 2022 च्या सीजनमध्ये रोव्हमॅन पॉवेल ऋषभच्या नेतृत्वाखाली दिल्ली संघाकडून खेळणार आहे.

Disappointed with the results, nevertheless great fight shown. Let’s look to finish the series on a high. #Rpowell52 pic.twitter.com/P1xr5kO0s3

— Rovman Powell (@Ravipowell26) February 18, 2022

कालच्या भारताच्या विजयात ऋषभ पंतचही महत्त्वाचं योगदान आहे. मॅच जिंकल्यानंतर त्याने भारतीय संघासोबत जल्लोषही केला. पण पॉवेलची फलंदाजी पाहून ऋषभही कुठेतरी मनोमन खूष झाला असेल. रोव्हमॅन पॉवेलची फलंदाजी पाहून मी सुद्धा खूष झालो, हे ऋषभने स्वत: सामन्यानंतर मान्य केलं.

After watching power hitting by rovman powell kiran kumar gandhi will be most happiest man India vs West indies